[align=center]شاعر يعشق العذوبه ويحب التجديد وصاحب صور شعريه جميله وافكار اجمل ,رغم حداثة سنه
فهو
شاعر رومانسي من الطراز الفاخر والفريد . من اجمل شعراء الرومانسيه. سيكون له مكانه مميزه بعون الله
شعر رومانسي لا يقاوم, وشاعر غير غير غير ،،
اترككم مع قصائده لتستمتعوا بجمال ورقة حرفه وجزالته/:
مسآفه وٍتعب :/
طـال الجـفا , وأنـا شعوري غير\ عن ذكريـاتي وأقـرب , أمـآلي
أحترت مدري هالسنه شيصير\ وشلون لو يبـقى على بـالي ؟
الغـايب ,, اللـي زادنـي تفـكير \ يـا كثر مـا يجـرح , وهـو غالي
أحيان اشوف احلامنا ,, وأغير\ وأحيان مـدري ويش يـبقالي ؟
وأحيان احس ان الزمـان بـخير !\ وأضحك لا شفت وجيه عذالي
الحـلم راح , ومـا لقـى تفسير\ ولا فيه غير ابقـى على حالي !
يالصمت سامحني على التأخير\ ملـيت اداري صـوتي , العـالي
كـان المسافه , مالـها تــأثـير ؟؟\ الجـرح ,, لـه عامين (( يـبرالي ))
طآحت وٍهي مآدرٍت :/
حادي الصمت ما عندي لصمتي بديل\ وانت ليله تغافلها الجـفا مـا درت
ويـن اودّيك يـا هـــمّ ٍ بقلبي ثقيل ..؟\ جعل تسري بك الليله ليامن سرت
ايه خايف على دمعة عيوني تسيل\ ما قدرت اتجاهلها وهي ما أقدرت
كانت اصعب على نفسي من المستحيل\ لين سالت على شان الغلا وأعبرت
عزّتي تطلب الفرقــا بيوم الرحـيل \.. لو جروحي على طول العمر ما برت
جيت عابر سبيل ورحت عابر سبيل\ والمحبه ربت في داخلي وأكبرت
انت ياللي ليا مالت جروحك تميل ..\ الليالي خذت منـّي وما قصـّرت !
لا تسولف ترى ليل المفارق طويل\ كـل كلمه على بالك فبالي طرت
شوف عيني وتلقى للمحبه دليل ..\ مير نفسي لتقليب المواجع ضرت
طوّل الصمت وأربكت الشعور الجميل\ قلت اببعد مدام ان الجروح أكثرت
خل دمعك يسولف للـوداع ويسيل ..\ والا انا دمعتي طاحت وهي ما درت
مشآ‘عرٍٍ الأحلآآم :/
عذري من اعماق قلبي وانت وش يرضيك\ وان فـاح عطر المسافه لا يطول الصبر
تمــوت بيــن الحــنايا .. والغــلا يحيــيك ..!\ والحب مثلــك نــزف بين الضــلوع وكبر
رح كــــلم الذكــريات وقلــها , وش فيــك\ عشان ينــبت على تراب المحــبه شجر
وين انت عنــّي عجــز صوتي وهو يدعيك\ العــمر محسـوب وفراق الحــبايب كدر
لا صــار صـــوتي دروبك والســــهر طـاريك\ اكيد الاوهــام تـتــعـبها دروب السفر
ولو قلت عقــب السنين اللي مضـت مابيك\ كان استحا الحــلم من قلبي وطاح العمر
آسف يآ‘مكتوٍبي :/
الجـــرح ,, للقــلب والايـــام . ودروبي\ واللــيل من جابني يمــّه ؟ ووداني
كم لي سنه والجفا صوتي وعذروبي\ أخـاف لا ينــتهي حــزني , ويلــقاني
مشـكور يـا خاطري و آسف يـا مكتوبي\ أزريت اقول الكلام اللي على لساني
وش كانت الذكـريــات وكانت ذنـوبي\ ثنـتين والعـذر كـان اكبر من أحـزاني
ثنـتين بين العــذول , وجـرح محــبوبي\ الاول يهــون ,, والشرهه على الثـاني
أحـس دار الزمـــان ,, وغيـّر اسـلوبي !\ حتــى اقــرب النــاس خليــته وخلاني
أن جيــت برضــاي والا رحـت مغـصوبي\ الحــين مـا كل شـي يهــز ّ وجــداني
يمـكن كبـرت أو نسيت العام مطلوبي\ يمـكن تغــافلــني الحــلم ,, وتعــداني
والدمعـه اللي تــروح وتلتــفت صــوبي\ تركتــها فالضــلوع ,, وصــرت وحـداني
يـا جــروح الايــام , مـا مليـتي دروبي ؟\ خليــني ارتـاح لـو مــره على شاني
غيآب وٍأنتظآرٍ:/
جر صوتك طرب يا حادي العيس\ وألـحق الصبح لا يطفي سراجه
الرسايل معي ,, حبر وقراطيس\ وصاحبك بين ضيقه ,, وأنفراجه !
كل مـا جيت وأحلامي محابيس\ رحـت , ! والقلب متغيـّر مـزاجه ؟
ياحبيبي ,, نـزف جـرح الكوابيس\ وصار في داخل أعماقي لجاجه
لو تعـّد المسافه ,, والمقاييس !\ وش ورى لآهب الجرح وعجاجه ؟
لا يطول الجفا . عـّوذ من أبليس\ حاجتي للقـى , مـاهي بحاجه
شوف حتى المشاعر والاحاسيس\ تنتظرنا ,, على شان أنتـواجه
كلّم الخوف , يـا صمت الوساويس ,\ لين راع الهوا يضحك أحجاجه
, صـوتك اللـيل وعيونك نواعـيس !\ وكل دمعه من عيونك ,, سماجه
مآعآد يمدي:/
لا تبـيـّن لي الدمعه يـا قطر الندى\ وألتـفت للوداع ان كان حـزنك كفـاك
دمعة الطيب في عين الليالي ردى\ أخـذ منـّي دفـا الايـام ,, والله معـاك
خانك البعـد من قربي وطال المدى\ وجيت تسترجع الماضي وتسبق اخطاك
يا حبيبي ,, وقف بيني وبينك صدى\ وانت صـوت ٍ يناديني ولا أسمع صداك
كل جـرح ٍ يطيب بخاطري ما عـدا\ جرحي العـام في بعـدك وليلة جفاك
كنت أشوفك واحس ان الفراق ابتدى\ يومـها الشـوق جابك والمــوادع خذاك
ليه اعذرك وانا فالحب مالي جدى\ ليه أعاتبك وانت اللي جرحني خطاك
ماتت اكثر طموحاتي وراحت سدى\ شفت وشلون اخذ مني الزمان وعطاك
يمكن يزول حزني والشعور يهدى\ وأترك الحلم وألقى حلم غيره هنـاك,,
صآفي الوٍد:/
نام قلبك وقلب اللي عشـق مـا ينام\ والليالي عميق الجـــرح ما زالته
خلـّـها بيني وبـينك وفــا واحـترام\ واجرح القلب لا ترأف على حالته
ودّي اروح .. عجـّل لا يطول الكلام\ هو بقى من عيونك شي مــا قالته
صاحبك يــوم هــزّيته بجرح الغرام\ ودّه يـطـيح لـكن عـزته شـالته
ارتوى الليل من رمشك وزاد الظلام\ والغــلا .. ألـّتـوت رجـلي بمحبالته
بين صـدق الاماني والعتب والملام\ حــلم لقــياك يـوم عـيونك أختـالته
كنت تكبر بعيني عـام من بعد عـام\ لــكن ايـديـك صـافي الــود ما طالته
لا تزيد الجــروح ولا يطول الكلام\ هو بقى من عيونك شي ... ما قالته .؟[/align]
رد مع اقتباس
