[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
زارني هاجوس شعري قبل أذان المغرب= واستوى نظم القصيده وابتدى مطلعها
والقصيده نظمها مع حظرتي مايكرب= أبتكر بالفكْر فكرتها وثم أبدعها
أعرف أطرح واعرف أجمع واعرف أقسم واضرب= يوم غيري لو طرحها ما عرف يجمعها
عن دروب الغير أدوّر لي ملاذ ومهرب = يوم غير ي لا لقاله جرة(ن) يتبعها
العرب قسمين فيهم عارب ومستعرب= والبحور السبع ماكل(ن) ترى يشرعها
أسمع أغاني كثيره سامجه ماتطرب = روّجوها بالدعايه والعرب تسمعها
أتفكّر واتعجّب فى الحمام المسرب = كم هايل مير مابه نفعة(ن) ينفعها
كل واحد يزهم الثاني تعال ابك اقرب = وشوف وين الناس متجهه ومعها معها
قال وش غير المدينه قال الآخر يثرب= قال أبجلبها لغيري قال الآخر بعها
ياعذاب الضامي اللي مالقى ( ما) يشرب=ودّه بعذب المياه ولا لقى منبعها
سم راس الداب ولاّ سم ذيل العقرب = كلّها سم وتسمّم جسم من يجرعها
لكن اللي صار عادي ماني بمستغرب=نادر تحصّل عقول القول مايخدعها
يجرب اللي يقترب جسمه بجسم الاجرب=مير يالله كل نفس(ن) ذوقها يقنعها
والمحارب لو يحارب ياعرب وش يحرب= والعيون اللي لطمها فى الزمان اصبعها
كم عقل لاذع وياكم من جسم متكهرب = والسلوك موصّله ماقام أحد يقطعها
والله ان الوضع مزري كل ماله يخرب=وقربة الما ليت من هو شقّها يرقعها[/poem]