.. السلام عليكم ورحمة الله وبركاته ..
بعد الغيبه احب اقدم لك قصيدة متواضعه واتمنى انها تنال اعجابكم ..
[poem=font="Simplified Arabic,6,darkblue,bold,normal" bkcolor="transparent" bkimage="backgrounds/15.gif" border="double,4,gray" type=2 line=0 align=center use=ex num="0,black"]
واقلبي اللي راغ مابيـن الاضـلاع=كنـه علـى ورد المنايـا حدانـي
اقنب قنيب الذيب والذيـب لاجـاع=حاف الغنم ثم جاب منها السمانـي
ابغى الزمان يطيع والوقت ماطـاع=مدري بليـت الوقـت والا بلانـي
دنيا دبور وناسها اشكـال وانـواع=غاب الامل واقفت ضعون الامانـي
فيها الوفي اليـوم ماكـر وخـداع=وفيها الشجاع اليوم مثل الجبانـي
والصاحب اللي بالمواصيـل قطـاع=هو السبب في ضيقـة ٍ بالمحانـي
باع الغلا مابيـن شـاري وبيـاع=من دون برهان ٍ عليـه الضمانـي
قفا وانا اضرب لجله اخماس وارباع=ليته مقدر يوم انـا اجيـه عانـي
وضاع الخوي وكل شي ٍ معه ضاع=الله يسامـح ياحمـد مـن نسانـي
قلبي على شوفـه تمـزع تمـزاع=ودي اشوفـه ياحمـد لـو ثوانـي
ومدامهـا ردت علـى لويّـة ذراع=اشوم عن بعض العلـوم الطمانـي
ياقلب وش بك للمراسيـل طمـاع=دامه رضى بالناس مخلـوق ثانـي
لاتقنعه بالطيـب ماحاصـل اقنـاع=لان الانانـي طـول عمـره انانـي
المسعد اللي ماشكى مـر الاوجـاع=ماضاق باله من صدوف الزمانـي
مانام له ساعه ومن نومتـه فـاع=ارعى خياله وكنه صوتـه دعانـي
وان كان قلبه شاقه الشوق والتـاع=يلحق عليّـه قبـل فـوت الاوانـي
اقولها من فيـض شاعـر وبـداع=شاعر تكلم مـن لسـان المعانـي [/poem]
اخوكم
عبد المجيد بن عريج
وامل تغير اسمي الى
عبد المجيد بن عريج