[align=right]السلام عليكم ورحمة الله وبركاته
صَباحكم / مساؤكم شِعر
أسْعدني إنضمَامِي لـ كَوكبة غرابيل الأدبيّه السّاميه في طرحِها ونهجها ,,
أتركُ هَذه المتواضِعه بين أيديكم الكريمَه وأتمَنى قبولِها مِنكم هطولاً حميداً
.
.
بسم الله
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اللي لفـا بالطيـب يستاهـل الطيـب=واللي عنـا للنـاس ماهـو بخايـب
***
خوذوا نصيحة شخص خاض التجاريب=مـن دورة الآيّـام شـاف العجايـب
***
خوذوا كلامي وافهمـوا دون ترتيـب=من راس شاعر واعرفوا ويش جايب
***
ياللي تبـي عِلمـي تراهـا مكاتيـب=مـن دمّ قلبـي سطّرتهـا كـرايـب
***
الخوّه اللـي مـا تجيـب العذاريـب=لِك رفعةٍ فيها عـن الغيـر صايـب
***
والمجلس الموزون طيـب ومواجيـب=دوّر علـى جالـه مكـان وحبـايـب
***
واللي لفا بالعيب مـا ينوتـي بعيـب=خلّه يهـذري مـع هبـوب الهبايـب
***
يا جاهلٍ بالقـول إنْصـا التضاريـب=وخلّك على ما قيـل راعـي نشايـب
***
متخالطٍ مـع كـلّ عُـود ومحاديـب=وإرسم رفيق الدّرب حاضِـر وغايـب
***
لاتنظر اللي مـن يجيـب المكاسيـب=دام الخسايـر فـي غيابـك ضرايـب
***
كـلٍ يطيّـب لـك كلامـه وبالغيـب=ياتيـك من حرّ المعاليق عايب
***
ولاتامن اللي ياخـذ القـول ويجيـب=وسْط المجالـس بالحكـي والغرايـب
***
خلّك على ( المابين ) بين التغاريـب=لا تندفـع للّـي يـقـود الرّحـايـب
***
دوّر على مـن جيّتـك لـه مراكيـب=قـومٍ معـدّيـن القـرايـا قـرايـب
***
ودوّر على من جرحك ابشوفه يطيـب=رجلٍ مـن الخفـاق ماهـو بطايـب
***
ودوّر عن اللي راسه افبعدك يشيـب=اللّي يشوف الضّحـك منّـك طرايـب
***
ودوّر عن اللي لا بغيته كمـا الذيـب=ينصاك لو دونـه رجـوم ومصايـب
***
ماهو من اللي يسمع الصّوت ويغيـب=العِلـم يجمـد لا لفـتْـك النـوايـب
***
ياصاحبي وإن كان قولي بـلا ريـب=خذها نصيحـه مـن عميـد الكتايـب
***
اللي لفـا بالطيـب يستاهـل الطيـب=واللي عنا ماهـو بـلا شـك خايب
***
ميـر الحقيقـه تختلـف بالتجاريـب=دنيا رديّـه تـودِع الـرّاس شايـب [/poem]
.
.
احترامي[/align]
رد مع اقتباس
-new.gif)
المشاركة الأصلية كتبت بواسطة هيثم التميمي
