السلام عليكم
اليوم أكتشفت ان مجارات القصائد مهمه صعبة جدا وتحتاج لشخص متمرس كثيراا ولولا أنها من صديق عزيز وخصني بالاسم فيها والله كان اعتذرت منه
قصيدة الغالي محمد نايف العتيبي
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياهاوي القلب المعنى وش سبايب علته =ضنك هي الفرقا سبب..ياصاحبي مما دهاه
ولا هي الدنيا كذا سيف الغدر لي سلته =ايام نعرف سرها والبيرر نكشف عن غطاه
كل ٍ وثق ياصاحبي والكل عارف ملته=يعني على وضح النقا والكل عارف وش بلاه
كم من سؤال ٍ جيت به مير البلا ماحلته=لكن على الله بشتكي والله كريم في عطاه
الغالي اللي مبتعد لامن فرحت بطلته=ارفع يديني واشكره رب ٍ عظيم ٍ لي رعاه
والعين ياقف دمعها كنه رجع ماهلته=والقلب يفرح بالغلا للي سكن وسطه غلاه
عطيتها قلبي فدا ثم اسكنت واحتلته=بعد البروده دفته والله يامحلا دفاه
تربعت وسط الغلا ثم اشربت من دلته=ماقبله احد قد شرب مافيه مخلوق ٍ سواه
من يومها مافيه يوم ٍ في حياتي خلته=اصل الدوا شوف الحبيب وهو بعد شوفي دواه
لو تسكنه دايم كذا مافيه يوم ٍ ملته=واختم بها قافي كذا والله يسعد لي مساه[/poem]
هاوي قصيد
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامحمد القلب المعنى كيف يحمي دولته = لا صار حكم القاضي المسجون في يد الجناه
القلب مايهنا ليا شفت الهموم اتولته = ياكم هموم ٍ فوق راعيها توليه الحياه
يالي زرعت الوٌد فارض ٍ دمع عينك بلته = لا ترتجي ياصاحبي من قاطع الوٌد الغناه
عسى الرياح العاتيه بين المذاري شلته = راع الردا لابدٌ مايمسك بعرقوبه رداه
الي وجوده في ظروف الوقت تشبه قلته = تحرم علينا خوته حتى يحسن مستواه
بعض العرب لو زل بلسانه دمحنا زلته = نصبر ونسمح له ومن طيبه تحملنا خطاه
ولا قليل العرف نعرف له ونشفي غلته = ونحمٌله حمل ٍ سوات النير وجبال السراه
ياصاحبي صاحبك لو تملا المعاني سلته = تبقى القصور وعذركم ياصاحبي نسعى وراه
ان كان قلبك تٌله الغزلان قلبي تلته = الي لهن بين الضلوع العوج منزال ٍ وجاه
وان كان صٌرنا يامحمد ساكنين بدولته = اقعدبها صٌرنا الجناه الي تحت حكم القضاه[/poem]