[align=center]ياخافقي..
لا يتعبك نبضك..
ومشوار الطريق..
ولا ينشغل بالك..
وأنفاسك تضيق..
ياخافقي..
هذا حال اللي يحب..
تعبان.. وعلاجه صعب..
وإذا بغى يسلى..
وينسى هالعذاب..
بيرجع يقول..
يانفس عذبني العتاب..
ياخافقي..
يكفي عتب..
يكفي من الدنيا.. ملام..
ياخافقي..
في خاطري حروف..
ونبضات.. وكلام..
طول ليلي أسهر..
أناجي هالقمر..
ثم يرحل.. يبتعد..
يبغى ينام..
ياخافقي..
مليت أنا وطال الصبر..
لكن تأكد لو أموت..
بموت أنا واقف..
مثل أغصان الشجر..
ومثل الزهر..
إذا غطاه.. مع شروق الشمس..
قطرات الندى..
وفاح عطره .. وانتشر..
ياخافقي..
أخفيت أنا حبي..
وشوقي سرى..
ونبضتك تعلن على كل الملا..
إني أحب..
وإني ولو طال الزمن..
ببقى أحب..
وإذا انتهى فيني العمر..
أبعترف..
إني أحب..
وأصرخ وأقول..
يكفي ياخلي.. غياب..
يكفي عذاب..
تعال اسمعها غصب..
أنا أحب..
وأنت الحبيــــــــــــــــــب اللي أحــــــب..
ياخافقي..
صدق الكلام اللي أقول؟؟!
ولا هذا.. بس جنونٍ..
ثم يزول؟؟!
ياخافقي..
هذي حقيقة مو خيال..
هذي مشاعر..
ماتعرف معنى الزوال..
ياخافقي..
اسمع كلامي..
وصدّقه..
لو عشق.. هالنبض.. غيرك..
بحرقه..
آآآآآآه ياخافقي..
والله بحرقه..[/align]
رد مع اقتباس
