[align=center]
.. بسم الله ..
عذرآ لـ/ هذآ الغياب لـ/ ضروف العمل ..
لكم هذه الطفله آتت كما هيَ آمام اعينكم ...
وهيَ نصيحه للعزيز ../ ياسر بن عزام العطاوي .. اخي ..
صـُلو على محمد
[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هد المرض حيلي وانا تونّـي شـاب=وسط الزحام اللـي تهـد العزومـي
والجرح في جوفي من سنين ماطـاب=والضيق جاوب نازحـات الهمومـي
ياسر تعال إسمع ترى الضن ماخـاب=هذي نصيحه ..// والنصيحه تدومـي
صْل الصلاة وإحفـظ آيـات الِكتـاب=وبالوالديـن اليـوم خلـك رحومـي
وللجار حق ولوهو من صلب الاغراب=ابدى من إبن العـم فـوق الرجومـي
ولضيف حق وخلـك مشّـرع البـاب=هذي سلوم الطيب واصـل السلومـي
وانحش عن الخايب وعّن كـل كـذاب=ياخوي عنهـم حـاول إنـك تشومـي
ترى الجرب يعدي ويبـدى بالاحبـاب=ومن طاح به ضنـي تـرى مايقومـي
واعرف ترى سم الردى يذبح الـداب=مال الردي صاحب يّعـد محشومـي
وخلك مع اللي صيده براس مخـلاب=وترى الوفا نبـراس كـل القرومـي
هو محزمك لا كشر الوقـت بالنـاب=وهو مسندك ياخوي وقـت الزومـي
وإن جت زله من رفيقك بـلا اسبـاب=تسعيـن زلـه تنْدمـح ذي لـزومـي
ولا تنكر فعول النشامـا والاصحـاب=انت مخدوم وللخوي صـر خدومـي
وخلك حليـمٍ لابـدى شـر الاقـراب=ترى الغضب مافـاد جمـع الغيومـي
واسلك طريق العلم .. من دون ترتاب=ترى النبي وصـى بجمـع العلومـي
ياسر مدام إن المرض هد الاعصـاب=قّرب عسى تنزاح بعـض الهمومـي
ياسر وضنـي فيـك والله .. ماخـاب=جتك النصيحه ..// والنصيحه تدومي [/poem]
تمـْت وبـ/ ســلام ....!
اخـوكم ../ الفقير إلى الله ..
( حســــين )
..
.
[/align]