هذه مجرد مشاركة بسيطه كلي أمل أن تنال إعجاب من يطلع عليها .. .
مع أني أعلم بأنها لاتخلو من النقد , ولكن الرأفة الرأفة إذا إنتقدتموني فلا تقسو علي .
إفرحي يابنت وطـــــــارك اليوم دقيه ...... إفرحي دامـــــك مع اللي تحبينـــــــــه
ولحن الفرح بعالي الصوت غنيــــــه ...... وإدعي لحظنـــك ذاك اللـــــي تودينــه
ومثل ماكنتي تضميني حيــــل ضميـه ...... وقولي نفس اللي كنتـي لـي تقولينـــه
وأنا أبرحل عنك بليــا مشاريـــــــــه ...... دام بدنيـتــك طيفــي ماعـــــاد تدنينــــه
وأسوق للمجهـــــول قلبن ظلمتيــــه ...... وأبدل أرقـــــامه بدروبـــه بعناوينــــه
وأزيله من دنيـــــــــاك دامك نكرتيه ...... ياكيـــف يرضــا بك وأنتــي تذلينــــــه
قلبــن ماقبلـــك أحــــدن حلـــم فيـــه ...... قلب قضــــى وقتــــه بقلـــة محبينـــه
وجيتك أشيلـــه لك براحت أياديـــــه ..... وأقــول إخذي قلب الشقــــا لاتردينـــه
جيتك كلي طمع بعطفـــك وراجيـــــه ...... أبروي عطـــش حبن قلت تلاوينـــــه
وبعز الظما يــــاللأسف قلبي تركتيه!! ..... كلـــك تمــادي يـــوم إنــك تخلينــــــه
ماكنه بســـط كفــه لجرحـــك يداويه ؟ ..... ماكنـــه إشتـــال هم كنتـي تجرينــــه
ولاكنه مســح ملــــح دمعــن نثرتيه ؟ ..... دمعن على ماضيـــــك كنتي تهلينـــه
روحــــي فمــــان الله للي لقيتيـــــــه ...... يابنـــت روحي عســـى الزين تلقينـه
ولاتسألي عن نـزف قلـب جرحتيــــه ...... أبتركه لين أستخلصك من شرايينه
لاني أبرحل وأطوي سكــــة التيـــــه ...... لاهــم ولاغــم ولاجروحـن دفينـــــه
ولأني أبنســـــى نفس حبن نسيتـيــه ...... حبن جرح قلـــــب ماظن تنسينــــــه
وعلى المحبة نلتقي ,, ,