[align=center]إخواني وأخواتي اعضاء وزوار منتدي غرابيل الأدب والشعر
اضع بين ايديكم هذه المتواضعه لعلها تشفع لي سبب غيابي
الفتره الماضيه أمل ان تحوز على ذائقتكم الراااااقيه***[/align]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العذر منكم ياهل الشعر والذوق = زميلكم طول عليكم غيابه
خمسة شهور ٍخلت القلب محروق = على غلاء روحي وزهرة شبابه
باللي حداني مادرى كل مخلوق = لا ياغرابيل الوفاء والذيابه
انا حداني كاوي القلب بالشوق = خل ٍ سبى قلبي ولا احد ٍ درابه
غنيت له شعري على كل طاروق = ومليت صفحات الورق بالكتابه
يطري علي بلذة النوم وافوق = ولا اصحى لنفسي غير قدام بابه
واعود خوف إيشوفني كل مطفوق = واطيح من عين الاهل والقرابه
يادعوة اللي شاقته مغتر النوق = برجوى منشي بالمخايل سحابه
الارض ممحل والغلى دمر السوق = عود ٍ ضمانه مانزل في حسابه
يرفع يدينه والنظر شاخصه فوق = وبيني وبين العود وجه التشابه
يفز من نومه اليا لاحت إبروق = وافز انا لامر طيفه وجابه
خوفه عليها من هل البطش والبوق = وخوفي على خلي من انعم ثيابه
مانام لين الصبح بدى له إشرق = وشاف الخيال اللي تكسى هضابه
وسجد رضاً للي خلق كل مخلوق = دعاه صبح وطامع ٍ بالإجابه
وإن كان ذاك العود يشعنه النوق = انا شعى قلبي بزاهي شبابه
اللي غلاها قاطعن كل معلوق = منها جديد الجرح ينزف صوابه
هذه عذري ياهل الشعر والذوق = زميلكم وضح سبايب غيابه[/poem]