السلام عليكم ورحمة الله
إلى قلوبكم
مع صادق الود
غيابك............
[poem=font="Simplified Arabic,6,black,normal,italic" bkcolor="transparent" bkimage="backgrounds/29.gif" border="double,2,black" type=2 line=0 align=center use=ex num="0,black"]
غيابك حبيبي عن عيوني عذاب وجور = واذا ما تصدّق شوفني وش حصل فيّه
مجرّد بقايا جسم في مشيتـه مجبـور = ويحمل معه نفس(ن) يقول انّها حيّـه
وانا والّذي سوّاك عايش بدون شعـور = حياتي بـلا معنـى وحالـي شقاويّـه
غيابك بنى بيني وبين البقيـه سـور = ومن يومهـا وحـدي بدنيـا خياليّـه
بعيده عن الواقع في العالم المهجـور = مع اشباح خوفي والألـم والمزاجيّـه
اصوّر ملامح وجهك الغايب المحفـور = بقلبي وفي قلبي من الشـوق ماريّـه
أواسي بطيفك لوعة الخاطر المكسور = أحاول معـاك انسـى بقايـا مآسيّـه
يجيني دفا همسك على عطرك المنثور = كأن السما تمطر على الأرض حنيّـه
ألملم شتاتك كنّي الخايـف المذعـور = أخاف الزمن يطري غيابـك بعفويّـه
يبكّي خفوق(ن) لو بكى غيبتك معذور = حياته بدونك مثل ليل(ن) فقـد ضيّـه
حبيبي ترفّق مت من قسوتك مقهـور = حرام الدّمار اللي تسببـت بـه ليّـه
كأنك تحالف والجفا جيشك المغـرور = وروحي بعينك يـا عيونـي عراقيّـه [/poem]