[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ضاقت الأرض بعيون النشامى وياقرب المغيب = صورة الأحقاد توحي بعهد من الخراب
مجدبٍ لو شفته الروض بعيونك خصيب = المظاهر بعض الأحيان جوهرها عطاب
صورةٍ للدمع تنزف على خد الغريب = لوحةٍ رسّامها تاه في أرضٍ يباب
طفلة في قلبها ذيب وإيديها لهيب = علّموها تخنق الطير ماتحسب حساب
هزّت الذكرى كياني وانا صمتي رهيب = لاحكيت أحكي بنظرة تكفِّي عن كتاب
زارني طيفٍ من الأمس ياهو من عجيب = ينشد اللي ضيّع الدارعن شح السحاب
كنت ناسي ذكرياتي مع الأمس الكئيب = من غرق في لجة الموج يحلم بالتراب
التراب اللي خُلقنا منه... جدا قريب = والتراب اللي رجيناه ... يقصيه السراب
آه يالذكرى علامك غديتي لي حريب = كل ماسكّرت بابٍ فتحتي ألف باب
مدري الغلطان انتي أو القلب الصويب = ماسألتك من جهالة ولااريد الجواب
عندي أكثر من جواب وحكايات ونحيب = وفي يديني وشم الأحداث ماصابه غياب
كان ياطيف الأماني تبيني لك أجيب = خلِّني أبرِّد القلب لوهو بالعتاب
ضيقةٍ فيني وسيعة وأنا طبعي رحيب = والجروح اللي بروحي لها مليون ناب
ماسكت إلا لأني مع جروحي أديب = مثلي جروحه بقلبه ترى مثل الثواب
اجرحوا نوري وأنا كنت للقمرا حبيب = ماخبرت إنْ بيننا حال في يومٍ حجاب
كان بالدنيا غريبٍ فانا هذا الغريب = حاضرٍ في مسرح الوقت وأشعر بالغياب
غربتي محدٍ فهمها سوى العقل اللبيب = ماكتبت الشعر لعقول يكسيها الضباب
الشعر عندي هو الجرح والجرح الطبيب = والشعر عندي هو السجن لكنه رحاب !
كنت شاعر يغرف البحر لعيون القليب = لاطفت نيران الأشعار شعري كالشهاب
كنت لامنّي تغنيت بالجرح العطيب = تهطل مزون القوافي بلا جهد وعذاب
كنت لكني ولازلت سهمٍ مايخيب = دون مجدي أرمس الروح عمري ماأهاب
دائما غصن المحبة بخفّاقي رطيب = لو بكى طفلٍ بها الكون جدّد بي صواب
راس مالي عزة النفس والراي الصويب = ما خضعت إلا لربٍّ خلق فينا الرقاب ![/poem]
رد مع اقتباس
-new.gif)
المشاركة الأصلية كتبت بواسطة حمدان بن سالم
