[poem=font="Simplified Arabic,5,indigo,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]
أنا اللي ضـاع عمري في رجاك وخاطري مكسور=أنا من يسهر الليل الطـويل وزاد وسواسه
أنا حارس نجوم الليل وارعى بيتك المهجـور=وأقــل ليته درى عني ولو حتى بإحساسه
أنا اللي هايمٍ لجلك تحملت العنا والجــور=لجل وصلك لجل عينك شربت المر من كاسه
أنا اللي ضايقٍ صدري وابين للعرب مســرور=ونار الشوق في صدري وقلبي يشهق أنفاسه
تحسب هالهوى قصه بتنهيها خلال سطــور=ترى هذا الغـرام بحور وكل الناس غطاسه
تمر اسنين مالفرقا ويبقـى خاطري المحسـور=على عهد قطعته مستحيل أنساه من سـاسه
ألمحلك ولا تسأل واراقــب بابكم والســور=واقـل عله يطــالعني أبو عينين مــياســــه
أنا لجلك كتبت الشعر ولجلك كم عبرت بحور=وانا لجلك سهـــرت الليل جفيت النوم وانعاسه
ألا يا و نتي و نـت يتيم يون و نة مــور=كأنه عـايش الغربه وصرتي ربعه وناسه
عسى في يوم يالغالي تعود لخافق مقهـور=حشى ما نال من حبك سوا الحسره مع ياسه
ترا هذا الزمن يجري ترى هــذا الزمان يدور=ويمكـن نلتقـي في يوم بليلة فرح لباسـه
دخيلك لا تخليني إذا انك تسمعين الشــور=وإذا انك ناويه هـجري بيعلن قلبي إفـلاسـه
ترا العاشق عزيز النفس مهما كان يا مغـرور=لجـل يرضـي غـرورك ذل حتى خافقه داسه[/poem]