,
,
,
,
غرابيل النقاء مسائكِ عطر وعبير ورقّة .. ويبقى الشعر يكتبنا ونحنُ نكون طوعاً له ولمعانيه التى تعيش بداخلنا وتنطلق حينما ترى مايكون هناك سبب لإنطلاقتها..
..
.
.
.
[poem=font="Simplified Arabic,6,burlywood,bold,normal" bkcolor="black" bkimage="" border="ridge,8,crimson" type=2 line=0 align=center use=ex num="0,black"]
يصون الود من يرعى نديمه=ومن يحفظ مباديه وقديمه
ويبقى في قلوب الناس غالي=حشيم ومالقى غير الحشيمه
ومن يحفظ مواثيق المودّه=عظيم وكل غاياته عظيمه
ومن ينسى العهود وطيب ربعه=سقيم وساقته نفسٍ سقيمه
تنكّر لاصله وخالف سلومه=وخان اللي نواياهم سليمه
عطوه من الغلا والحب جانب=مشاعر صافيه حيل وحميمه
وهو من قبلهم مجهول ذكره=وجاهم صار له في الناس قيمه
ينادي بالمثاليه ويكتب=وهو ماله ردي الأصل شيمه
عقب طاح القناع وبان وجهه=وشافوها نواياه اللئيمه
طلع مثل الجبان وخاب سعيه=وراح يجر أذيال الهزيمه
ألا ياخاين العشره ونفسه=والا ياشاري الحقد ونديمه
ترى حقدك على نفسك بيرجع=ولحظات الندم دايم وخيمه
وكلمه حطها باذنك وقلبك=غرابيل النقا للعز ديمه
غرابيل الوفا دايم وفيّه=غرابيل الكرم دايم كريمه
غرابيل النقا للحب مرسى=على جاله من أولها مقيمه
واذا جاها عديم الحسّ مثلك=حسود وكل اخلاقه عديمه
تغض الطرف عن مثلك وتمشي=سياستها مع أمثالك حليمه
ولاتشره على واحد غدرها = مباديها مع ( العايل ) حكيمه
وباقي كلمه تقرقع بصدري=ولو ماقلتها والله ظليمه
بتلقى في البهم حتى وفايا=تخيّل كيف طافتك البهيمه !![/poem]
.
.
.
أمل بنت عبدالعزيز ...
.