[poem=font="Simplified Arabic,5,darkred,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
محشوم ياشعري عن الظلم والزور=
=اشطح ولكن في حدود الامانه
لوحدك الجاهل ترى منت معذور=
=خلك عن الزلات عندك حصانه
امشي على وضح النقا واعشق النور=
=ولاسج رجلي في دروب الخيانه
ادري بآنه يلحق ابن ادم قصور=
=ولاحدٍ كمل ياكود من جل شانه
لكن على ماقيل لوكنت مجبور=
=خل العمى يبصر ويسمع بذانه
خله تجي صدمة شعارات وشعور=
=ويقولها التاريخ باصدق بيانه
والاالقصايد دربها كان محضور=
=ياكثر نكبات الفتى من لسانه
سطر تخاريفه بالاوراق مكسور=
=وعلى المنابرعاش شاعر زمانه
عالم غريب مسيّره الف دستور=
=والرابح اللي فيه خاسر رهانه
حطولهم وزن وعبارات وبحور=
=في عصرهم كلن شهر عن سنانه
ناسٍ بلا قاضي ولاتقبل الشور=
=والنقد يعني من شروط الاهانه
تاريخ لوانه محقق ومخبور =
=حطولهم بالكذب ارقى مكانه
يوم الحياة احزاب وايامها جور=
=ماحصلو في ذيك الايام خانه
واليوم عوّد تايه الراي مقهور=
=يجلب مهازيله ويذبح سمانه
من عقب فات الدور بسنين وعصور=
=غنا على الماضي بجرة كمانه
ياهيه وينك يوم ذاكر ومذكور=
=مالك ببحر اهل المواقيف دانه
لوكان لك صيت ومكانه ومشهور=
=شهرة ابو فرّاس وابو سفانه
في وقت يكشف كل خافي ومستور=
=وراع الكيان نقّدره من كيانه
وان كان طاب الصوت هيجنت مسرور=
=مادام ماتت بالعقول الرزانه
قلبٍ خضر والعاشق انسان مامور=
=ياخذ من احزانه ويعطي حنانه
والعمر يمضي والمقادير بالدور=
=نفسٍ خذت حقه ونفسٍ مدانه
واللي رجى الجنه يبي يرجي الحور=
=واللي طغى يلقى التعب والمهانه
احدٍ غدى للهم والحزن ماسور=
=واحدٍ طلب ربه خفى واستعانه
وبين البشر تبقى علاقات وجسور=
=مادام ماشاب العلاقه لعانه
والطيب مابين المخاليق مشكور=
=لو جار وقتك واستحال امتحانه
والعمر ليته شعر واعجاب جمهور=
=مار البلا قبر وممات وديانه
لاصرت في قبرٍ به العبد محشور=
=ماينفعك فعل الذكا والشطانه
احدٍ خسر واحدٍ على الذنب مغفور=
=والرابح اللي عز دينه وصانه
والاالقصايد لو تخليك مشهور=
=ماتنفعك قدام من جل شانه[/poem]
رد مع اقتباس
-new.gif)
المشاركة الأصلية كتبت بواسطة سعيد العمودي
