اخواني العذر والسموحه على القسوه والصلخ بس الدنيا عيد وكل عام والجميع بالف خير .
وهي جات كذا واستلموها .
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عنك ابى ارحل ماعد باقي صبر واصبره = كان هذا الوداد فناظرك يامعين
بس لاتحرقين العود يالمبخره = انتهى ما بقى به طيب لا تتعبين
اعذري دفتري والحبر والمحبره = والقلم والفؤاد اللي قسى بعد لين
طيرك اللي ليا منه كفخ تسحره = ثم يرجع لسجانه ولنه سجين
صار له قلب كاس الحب ما يسكره = لا تهزه دموع ولا يهزه حنين
اقبل الموت بس الذل ما اتصوره = كان يسعدك ذلي عشت عمرك حزين
كل ذنب (ن)على تجنيه كنت اغفره = احسبك وافيه في الحب ما تخدعين
انتي اللي سقيتي الزرع واللي بذره = دامك اللي زرعتي هاك ما تزرعين
اي شي علق في القلب منك ابتره = لو اعيش المراره ما بقى من سنين
كل جرح(ن) غرسته في الحشى بثمره = هاك بعضه وبعضه ياصلك بعد حين
شي تقدر عليه وشي ما تقدره = ذوق ما ذقت قبلك من عذاب وانين
ما بقالك بقلبي لو ظلال شجره = كل غرس غرسته يدك جرح دفين
شعري اللي جعلك شان فوق الكره = لاصخره لين اردك لاسفل السافلين
والله اني لاشهر فيك بين اسطره = واكشف قناعك اللي لابسه يا (....)
صرت ماضي لعنته واكره اتذكره = اكرهك واكرهك واكرهك لا ترجعين[/poem]