1/ متى أول مره بديتي تطبخين؟!
من خامس أبتدائي ..من زود السناعه بي
2/ وش أول شي طبختيه؟
كبسه يحبها قلبك
3/ ماردة فعل اللي طبختي لهم وكلوا من أكلك لأول مره؟!
ردة الفعل تتفاوت حسب الأشخاص ..شكلي في برنامج تلفزيوني
طبعا الكل شجع ورفع من معنوياتي غير أخوي الله يصلحه ما أكل وقال مابي برابيس بزران
بس ماهتميت منه وكملت مشواري وصرت اصلح رز يوم ورى يوم ......صدقت نفسها
وهو يصلح له غداء لحاله
4/ ماهو شعورك من خلال أول ردة فعل؟!
الفخررررررررررررررر
وأتذكر أن يدي أنحرقت من النار وطرررررررررررررت فرحااااااااااااااانه لبنت عمي أعلمها أني أطبخ وهذا الدليل ...والله من الدلاخه أحد يفرح بالألم...بس لأنها كبري بغيت أقهرها أني سنعها وهي لا
5/ هل مازلتي تطبخين حتى الأن؟!!
مايبي لها ظربت عصا
6/ تحبين المطبخ ولاّ ؟!!
والله نااااااااااادرا
7/ موقف طريف مر عليك أثناء الطبخ ؟!
كان عندنا ثنتين من زميلاتي وفرحااانه بهم مره وأخذتنا السوالف وأنا حاطه القدر على النار وكل شوي أقول بقوم ..لا بعد شوي بقوم...بعد هالسالفه بقوم..لين فرجها ربي وقمت
ما أمداني أدخل الصاله إلا والسحابه من الدخااان بوجهي جتني أم الركب
بس أكملت المسير ودخلت المطبخ وأثر القدر تحول الى نااااااااااااااااااار
والله نااار يطلع منه
صرخت صرخه مدويه جاء على أثرها أمي الله يرحمها وخواتي وأحتاسوا اللي تسحبني برى والل يطفي الكهرب واللي يطلع القدر ...وصارت قصه
من جد محتاره وش معنى كلمة (( الطبخ )) ؟!!!!
جاااااااااري البحث