.
.
[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="double,4,burlywood" type=2 line=0 align=center use=ex num="0,black"]
يازمانٍ تظلم الناس فالعمر القصير=أسألك بالله فالوقت ويش اللي بقا
الدواير علمتنا على الشي الكثير=للقلوب الواعيه واضحه وضح النقا
الغنا شال الغني ,, والفقر سم الفقير=يامدور للثقا فالعمر مابه ثقا
الزمن برك لياليه تبريك البعير=والليالي غيرت في هقاوي من هقا
والعمر محدود كله بتحديد المصير= ياسعاده دايمه ياشقا سده شقا
والمعيشه لخبطت فالاداره والمدير=الضعيف مع القوي مايحصل مالقا
وألا انا بالوضع مؤمن تحت حكم القدير=الآله المقتدر واطلبه حسن التقا
ربي اللي سخر الطير من لطفه يطير= قادرٍ توفيق من يطلب المجد ورقا
مير هون يازماني وحكم بالضمير=من ورد للبير من صافي الجمه سقا
ثم قول اللي بقا : لويصير اللي يصير=خلها فالقلب تأكل وتحرق مابقا[/poem]