[poem=font="Arial,5,deeppink,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أنا والليل ونجم سهيل ودمع ٍ بالمقل منثور =أحاسيسن عقب ماهي قصايد جات منثوره
أسى وفراق حزن بداخلي يغلي كما تـنـور =ويلهب مثل مصفاة النفط في راس تنوره
سقى الله يوم كان البدر في كوني يشع بنور =الى ارخى الليل جنحانه يسامرني بسنا نوره
حبيب ٍ لي عطاني كل احاسيسه هوى بشعور =الى منّ الهوى هبّ بنسايم هفهف شعوره
كحيل العين الى مني نظرته يبتسم بسرور=عساني ما اعدم النظره ودام السعد بسروره
حسين الدل يجبر خاطراللي خا طره مكسور =ويشفي بالدلال الإنكسار وتشفي كسوره
غيابه يوم عني بحسبه بسنين عد دهور =الى مني فقدته صرت مثل ديار مدهوره
والى منّه لفا ني خالت المزن انبتت بزهور =الا يازين يومن تنبت أرضي بزاهي زهوره
حبيب ٍ لي لببيبٍ والوفا طبعه كريم بحور =الا ياسعد من يبحر ويرسي بشاطي بحوره
تذكرته وانا ما قد نسيته نقشه المحفور =وفي قلبي رسمته نقش لوحة حب محفوره[/poem]
أرجو أن تنال من نقدكم الهادف وتوجيهكم الذي من خلاله أنشد الوصول إلى ذائقتكم
تقبلوا خالص الود من مخاويكم