[align=center]معشر غرابيل
أسعد الله مساءكم / صباحكم
جادت بها القريحة بعد خصام بيني وبينها ظل أمدا طويلا
عبيد تصغير لاسم ابني الأكبر عبد الإله[/align]
[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا عبيد اسمع أبوك إللي غدا صوته بحاح=وافهم المضمون لو شوش به الصوت البحبح
لا بديت فعلم حذرا لا تبد ألا الصحاح = صح لن قالوا صحيح الكذب ماله فالصحيح
واختر مرافق كريم ولا تجي درب الشحاح =كبرها لا قالوا فلان الفلاني يا شحيح
والجوير احذر يضام وفيك عرق ٍ له نضاح=ابذل الغالي عشانه لو على العرق النضيح
والمنافق لو حلا هرجه ترى كله زحاح=مثل ما جالك يودي جعبته سم زحيح
داب لن شفته فجعك وروعك صوت الفحاح =لكن إن فكرت دسته ما يِهَيبك الفحيح
وبعضهم مسكين متمسكن وتسمع له كحاح =يدر ق البوق بضعافة ويتقي منك بكيح
وده إنك دون دايم ماكرك دون وضحاح=لا عرفته شد عَنه منزله دون وضحيح
وبعضهم لا والله ألا من الصناديد الدحاح=اجعله يمناك سيف ولا يجي يوم ويطيح
والمخايل تنعرف لا ناض فيها البرق لاح=وبعضها ما فيه خير وبرقها مالها لويح
ولا نظمت الشعر تكفى تنظمه جزل وفصاح=جعل من يسمع قصيدك مايقول ألا فصيح
انتبه خلك شجيع ولا وردت اشرب قراح=والشوايب لا تجيها ولا تقول ألا الصحيح[/poem]