بسم الله الرحمن الرحيم
السلام عليكم ورحمة الله وبركاته
[poem=font="Simplified Arabic,5,#000000,bold,normal" bkcolor="" bkimage="images/toolbox/backgrounds/18.gif" border="outset,10,#400000" type=0 line=0 align=center use=ex num="0,#400000"]
ياقصر دخفه لايجي خاطرك شين=والوعد انا ويّاك عيد الضحيّه
ياقصرنا قصر الشيوخ السلاطين=أهل الوفا والطيب وأهل الحميّه
ياقصر ابوي اللي رثوه الوفيين=وناحت على فرقاه كل بدويّه
ياقصر دخفه ياوكور الشياهين=ماتنطفي ضوّك وذا العين حيّه
ياقصر عندي لك عذر واسمعه زين=أسمع ولو ماللعذر قابليّه
عذرٍ يرج القلب قبل الشرايين=وعذري ورب البيت ماهو شويّه
تدري وش اللي مبطيٍ باحمر العين=إني أجيك وراحتيني خليّه
عذري لفاك ودوّن العذر تدوين=وخل المغني يضبط الشاذليّه
ليت الوليد يدفني بالملايين=ولاّ يخليني بقامة خويّه
ولا ينغنغني بشاصٍ ورنجين=ولاّ بقصرٍ من سموّه هديّه
ولا ترى بشكيه لكن على مين؟=مالي ومال أهل الخطوط القويّه
وازرعك يادخفه نخيل وبساتين=واجعلك دره في عيون البريّه
البارحه غنيت والناس ممسين=ضايق وفيني ضيقةٍ عالميّه
ماهي بضيقه من هلات الفساتين=إلا من حظوظ الزمان الرديّه
كبدي تُغش وداخل الكبد نارين=وكاتم لهبها بين هذي وذيّه
لكن جوالي يعيد الموازيين=ويبدل أوضاع العيون الشقيّه
لادقت إللي كل عمري لها دين=فديتها في كل صبح وعشيّه
فديتها بالعرض والطول آمين=ويالله عساني فدّوة الحُفليّه
ست الحبايب ساحرتني بسحرين=أمي حبيبة قلبي الأوليّه
لارن جوالي وقالت هلاويين=قلت أرحبي ثم أرحبي ياسعديّه
تبغى تصبحني بصبح البداويين=صبح القلوب الواصلات الوفيّه
وابسط معاها لين أفل الحجاجين=وفي صوتها الرنان لي جاذبيّه
وانسى العذاب وحزة الهم والشين=وتنشط خلايا المخ بالشاعريّه
واجيب مايطرب عقول الفطينين=وما يكسر أهل الجهل والجاهليّه
ومايثبت إن الراي ماهو برايين=وما يسقط أهل الزور والعنجهيّه
وقلبي كذا واحد ولاهو بقلبين=وفطرة شعر ياأهل العقول الغبيّه
ولا أعرف التنقيح ولا التلاحيين=ومستفعلان وطقة الفاعليّه
ومن غير لا ضمه وشده وتنوين=والعجز بعد الصدر تسمع دويّه
وإذا مدحت أمدح من الناس غاليين=غاليين ولهم داخلي مقدريّه
أحب أنا شمر كعام المعادين=ولبيه للعتبان لين الحويّه
ولبيه للمطران ومطير عالين=ويشوش راسي لأعتزت وايليّه
وإذا أعتزى عند الدواسر وراعين=ماكني إلا من بطن دوسريّه
ولأجل الدواسر ندبل البيت بيتين=جيراننا ومعقلين المطيّه
ولاعاش من لا يحتمي في القحاطين=ذولا محلفنا لاغدت عنصريّه
وكل القبايل نعم فيهم ونعمين=لوكان ماجبت الأصول البقيّه
وأنا من اللي في المجالس سلاطين=صبيان يام إن صار بالوقت هيّه
على الخيول تقول مثل الشياطين=تقبل بني عمي سريّه سريّه
لما أقبلت غيثٍ سقى كبد ضاميين=طب الخرام وروسها ضيغميّه
وأن دبرة كنها زعوط المجانين=منيةٍ تملا حياض المنيّه
صبيان يام اللي تقص المياديين=أهل السيوف الحدب والصيرميّه
وانا ولد غدى على العسر واللين=تباشروبي ياقبايل أرضيّه
ياقصر دخفه وين وديتني وين=وقف وسجل كلمتينٍ وصيّه
لوعشت في الدمام عامٍ وعامين=والله ماينسى الخوي من خويّه [/poem]
وسلامتكم
سالم اليامي