[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ارتخى طرف القصيد وشدّني للشعر طرقي =انتزعتك من خفوقي ما يفيد اليوم عشقي
والعرب قالوا إن أول حب تملا به ضلوعك=هو بلا شك الغرام اللي يسمّى حب صدقي
ليتني أرجع مع اللي حبها يسوى حياتي = قبل يعميني خيالك وانقشك في وسط عرقي
عفتها لاجلك وهي اللي حافظه عهد المحبة=وانزلت من فوق قلبي وقلت لك يا بنت ارقي
يوم تهديني حياتك كنها ملكي لحالي = والغرابة إنك انتي سبة جروحي وحرقي
هيه وين العقل منك يا معذّبة المشاعر = ما تعذّبني بنيّه لو هي إحساسي وخفقي
برجع لعقلي مدامك ما عرفتي قدر خلك = واعشقي غيري وشوفي عن جميع الناس فرقي
وابعدي ما عدت أنا لك والزمن يشفي جروحه =ولو يجف القلب بعدك قلت لك الله يسقي
كل اسم يشابه اسمك صعب ينطق به لساني=انسي إنك في حياتي كنتي أول كل نطقي
وكل دربٍ تسلكينه والله إني ما أمرّه = لو تجيني غرب منّا رحت انا في درب شرقي[/poem]