مشاركة متواضعه

[سعود السلمي]

حبيت اشارك معاكم بهذي الخربشه المتواضعه ماني شاعر نظم بس محاولات واجتهاد مني واعذرونا على القصور


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البداية بالتحية والسلام = من هجوس ٍ بالذكِر ما ملته

عد من صلى صلاتة والقيام = في ذرا البيت الحرام وقبلته

وعد من بدًا حلاله بالحرام = الحلال الي يوافق ملته

للرجال أهل البنادق والحزام = ساعة الحزة سهوم مفلته

نورهم بالحق في غدرا الظلام = مثل نور الشمس يخفي ليلته

ياعساهم كل يوم وكل عام = ذخر من جار الزمان بحيلته

والكريم الي يضيف أهل الكرام = كل ضيف ٍ يستريح بحلته

مانقص من واجبه قَدر ومقام = في بيت عز ٍ عزه الله واعلته

ولا المعزب للاجل ضيفه ماينام = يقضي لزومه لو ظروفه زلته

ام الشحم في صَحْنها وام السنام = والهيل فاحت ريحتة من دلته

في مجلس ٍ كله رياجيل ٍ حشام = عون العضيد الي تثاقل حملته

الهرج زاد العقل مافيها كلام = والرجل من هرجه تبٌين عملته

امٌا ذهب ولا نحاس ٍ مايسام = ولا من الثنتين مالي سلته

والنهاية بالصلاة وبالسلام = عد دمع ٍ فالمحاجر هلته

على نبٌي الخلق هدينا الامام = ناصح الامه وحامي دولته[/poem]

[النوري]

اللهم صلي وسلم على خير الأنام


هاوي قصيد

حياك الله..

قصيد ة كلها جمال

البدايـة بالتحيـة والـسـلام من هجوس ٍ بالذكِر مـا ملتـه
عد من صلى صلاتـة والقيـام في ذرا البيت الحـرام وقبلتـه
.
.

والنهايـة بالصـلاة وبالسـلام عـد دمـع ٍ فالمحاجـر هلتـه
على نبٌي الخلق هدينـا الامـام ناصح الامـه وحامـي دولتـه

[@الخياله@]

عليه صلوات الله وسلامه

صح لسااااانك أخوي

خربشه موفقه

بكره بنشوفك مع شعراء النظم باذن الله

تقبل تحيات

أختك : الخياله

[سعود السلمي]

الجميل تواجدك ومروك الكريم لاهنتي

[سعود السلمي]

اكيد راح تشوفيني اذا صارت الساحه مافيها احد غيري هههه

صح بدنك شرفتيني بمروك الخياله

[ابواحلام]

زين اذا الشخص يخربش وتطلع معاه كذا قصيده وافيه صح لسان

[خــــالـــــد]

[align=center]
هاوي قصيد
ـــــــــــــــــــــــــ ــــــ
ما شاء الله عليك

تسلم يمينك يا مبدع

كلمات رائعة بـ روعتك

ننتظر جديدك يالغالي
ـــــــــــــــــــــــــ ــــــ
أخوكـ/خالد
[/align]

[سعد الغنامي]

صح لسانك اخوي

معن جميل ونظم اروع

بس الوقفات فيها ربكه شوي ومختلفه في العجز في البيوت الأول التزمت باللام المشدده وفي الباقي اهملت الشده وبدلتها باحرف الفاء والياء

وعد من بدًا حلالـه بالحـرام الحـلال الـي يوافـق ملتـه
للرجال أهل البنـادق والحـزام ساعة الحـزة سهـوم مفلتـه
نورهم بالحق في غدرا الظـلام مثل نور الشمس يخفي ليلتـه
ياعساهم كل يـوم وكـل عـام ذخر من جار الزمـان بحيلتـه
والكريم الي يضيف أهل الكرام كل ضيـف ٍ يستريـح بحلتـه
مانقص من واجبه قَدر ومقـام في بيت عز ٍ عزه الله واعلتـه

[سعود السلمي]

ابو احلام صح بدنك لاهنت

خالد الابداع وجودك لاهنت على مرورك

----
سعد الغنامي صح بدنك ..انا تعمدت هذا الشيء والحقيقه مادري يجوز في الشعر او لا

اذكر شفت قصايد تتقيد فقط باخر الاحرف بغض النظر عن التشديد والتخفيف خصوصا القصائد

الي توقف قافيتها على ثلاث احرف..

اذا كنت غلطان صححلي منكم نستفيد طال عمرك واشكرك على تعقيبك

[النوري]

أعتقد انه لابأس طالما الكلمات متوافقه وعلى نفس الوتر والجرس الموسيقي

ونرى هنا الكلمه خفيفه مفتوحه