[poem=font="Simplified Arabic,5,darkblue,normal,normal" bkcolor="transparent" bkimage="backgrounds/7.gif" border="none,4,gray" type=2 line=0 align=center use=ex num="0,black"]
ذاك يالي عدلت معكفات الضلوع=لا تمادا ترى ماعادلي مستطاع
دام منك الجحود ومعك قلب قطوع=وش حصيلي ونا الي كل ماجبت ضاع
كان ودك تبي شوفة غزير الدموع = والله انك لتبطي وخذ سم الوداع
بس ابا اقول وسمع مايجوز الركوع=غير للي جعلنا مرهبين السباع
لابكا الطفل منا بالمهد مات جوع=كيف يبكي ويطمع لا بكا بالرضاع
دفنت الراس خير ولا يعيش مخضوع=جعل راس(ن)يطمن لك عشاً للسباع
دام هذي سنه ونا اتحرا الرجوع=ونت نوب(ن)تفل ونوب تطو الشراع
تحسبن المشاعر ياخبيث الطبوع=لعبة في يدينك ونت دايم مطاع
لا ولا مانطيعك طف كل الشموع=خل غربالك الي معك يخف الشعاع
خل نومك مثل نومي على راس كوع=يعني افهم توكل والفيافي وساع
يكفي الي حصلي من كثير الوجووع=دم قلبي معك مايوم ينقال راع
الكريم ان بلاه الله بشخص(ن)طموع=ينتزع فرحته من حبه اله انتزاع
ونت حبك ذبحني بس خلك قنوع=والله اني ما اعود ياقليل السناع
ويمكن الغي من ايامي نهار الربوع=يومي الي لقيتك فيه تلبس قناع[/poem]
رد مع اقتباس
