صباح الخير
اذكروا الله
وصلوا على محمد
وعينوا خير
والعنوا ابليس
بسم الله الرحمن الرحيم
السلام عليكم ورحمة الله وبركاته
[poem=font="Simplified Arabic,6,black,bold,normal" bkcolor="transparent" bkimage="" border="none,10,black" type=0 line=0 align=center use=ex num="0,black"]
ابا اسفه الطاروق وانسف مسويه=والعب على طاروق ثاني واغيّـر
من كيفي اطنش وبالكيف اجاريه=وانا هرم شعري وغيري صغيّـر
والشاعر اللي زايدٍ فـي دواديـه=مايدري انه حسب علمي غريّـر
الله واكبر ماعرف فعـل ماضيـه=ان قام ساره وان تربـع سويّـر
ياحظرة الباشه وياحظـرة البيـه=ماتنجب الناقه ياكـون الحويّـر
وبلغ مخابيلـك بشطـرٍ بغنيـه=الشعر في مخباي شيـكٍ مجيّـر
ولا حسبت احسابكـم يامعاتيـه=اضحك عليكم ضحك وانا مطيّـر
دام الاسد يحمي رعايـا مفاليـه=خل الثعالـب تختفـي بالجحيّـر
ومادام ماتعرف حقوق ومشاريـه=بتعيش طول العمر وانتـه حقيّـر
في خيمتي عايش ولا قلت أحيـه=افضل من القصر الوسيع المعيّـر
اقول منهم كل ابوهم ياأفيـه=احسن اغير بالقصيـده واسيّـر
على اللذي لاحل ذكـره وطاريـه=افرح واغني له واساعب واشيّـر
ويثور بركان القصيـد وقوافيـه=واداعب احساس الهوى واتنيّـر
لبـااااه لعيونـه يالبـى يالبيـه=من حد رمشه لين حد الخصيّـر
رعبوب فيه من الحـلا مايحليـه=ماهوطويل كثير ولاهـو قصيّـر
ولا ذبحني كون حظـرة تعاليـه=لكن قلبه قلـب صافـي وخيّـر
أهيم في بحره واغنـي بواديـه=وفي ذمتـي ذمـه ابـد ماتحيّـر
وان طوّل الصـده وزاد بتغليـه=قلت افزعـي توسطـي يانويّـر
ياجعلني ماذوق حزنه ولا ابكيـه=وياجعل كبده ماتـذوق السعيّـر
اضيع لا ضمـت يدينـي اياديـه=وطيش عيني لا نظـرت النحيّـر
ياغلى من الدينار واغلى من جنيه=واغلى من ديارٍ سكنهـا نهيّر
في ذمتي كنه القمـر او بناخيـه=ولا الجمـال اليوسفـي ماتغيّـر
ولاّ بحر جده وروعـة شواطيـه=ولا مصابيـح الغـرام المنـيّـر
يسعد صباحاته ويسعد مماسيـه=ويسعد لي الوجه الجميل الدويّـر
هذا القصيد اللي نعـده ونلقيـه=افضل ولا ساره رفيقة سويّـر [/poem]وسلامتكم
سالم اليامي