خرجت للتو من معركة طاحنة , مع الاخت العزيزة والشاعرة الكبيرة أمل بنت عبدالعزيز , وما أكثر المعارك التي خضناهاوسنخوضها مستقبلا , ولكننا نخرج في نهاية المطاف إخوة ليس بيننا الا الود والاحترام ..
لاادري مامناسبة هذه المقدمه التي لاعلاقة لها البته مع القصيدة , ولكن هي كلمات وجدت أن وجودها هنا ربما يزيل اللبس عن كثير من الامور بيننا ..
المهم .. صباحكم ورد وأترككم مع هذا البوح , فلعل فيه ماينسيكم صورة شاعركم المشاغب ,وترون فيه الوجه الاخر ..
[frame="7 80"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
كلما غابت عيونك عن عيوني ساعه = صار همك لي عقال وحسرتي طاقيه
آخذ الليل الطويل ودمعتي مرتاعه = بين نسناس الشمال وريحة الشاميه
يوم جيت آخذ شماغي من على الشماعه= شفت شماعة حياتي في خيالي حيه
رحت أعلق بانتظارك روحي الملتاعه= واكتب الشكوى قصيده لونها ورديه
جبت من قلبي حروفي بالوصل طماعه=كلما وجهت وجهي يمة الشرقيه
لاتخلي مركب اللوعه يفل شراعه= في محيطات العذاب ويغرق الحنيه
ياوسيع البال بالي مالقا مرباعه = غير في ذيك العيون وروحك السحريه
لو بدا لي مابدا لي يوم أشد ذراعه=واكشف المستور تحت الغاره الجويه
حنتي حنة خلوج ٍ شافت الطماعه = ياخذون حوارها منها على اللوريه
يوم قفوا في ولدها وصدمتها الراعه = أرزمت مثل السحابه حزة العصريه
ياطبيب القلب قلبي ماعرفت أطباعه = فيه هم وفيه شوق ويعشق الحريه
اترك التخطيط عنا واترك الولاعه = لاتقيس النبض عندي علتي مخفيه
شوف لي وشكثر أحبه في حدود الطاعه = في خلايا الدم تجري صورته عفويه
حطني تحت الجهاز وشغل السماعه = قبل ماتقضي علي السكته القلبيه
علتي ودواي شاره من علو أصباعه = والبلا كل البلا باللوحه الخلفيه
لاتلومون الغريق اللي يخط ابداعه = شاعر ٍ مايرقد الا فوق راس الحيه[/poem][/frame]
تحياتي للجميع ,,,
رد مع اقتباس
المشاركة الأصلية كتبت بواسطة ناصر القزلان
