[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
على شاطيك يا بحر الهوايل ضاق بي مرساي=
=يغني نورسك حلم الحياة وعلم تأبيني
يغني للمواني والأماني خاطرة دنياي=
=يغني للسنين الموحشة من قبل يبكيني
يدّوي بالمسافة صوت عابر يحضنه منفاي=
=وأنا مبعد عن أصوات النوارس قبل ترثيني
يمر الحلم حافي والصحاري تعتري رمضاي=
=عجزت القى مسافات الزمان اللي توديني
يسولف لي عن هموم الغلابا كن مالي راي=
=ويغض الطرف عن جنح الظلام اللي ملا عيني
يقول الدمع كنه ما سمع عن دمعتي وبكاي=
=يقول الجرح كنه ما عرف جرح الزمن فيني
حقيقة يا السنين المجدبة ما عاد في ممشاي=
=سوى بعض الحقايق وان بدا صمته يعريني
وأنا شاعر فتح باب القصيد وقلت في معناي=
=أسافر يا وطن ولا بعد ما عاد يمديني؟
أجسد قصة الهم المرتب واعترف باخطاي=
=لو ان الوقت يزرعني أمل ويعود يجنيني
أجامل واعتزي باللي خلقني واعتبر مسعاي=
=دقايق تنتهي والحي في دنياي يغنيني
أداري ضيقتي عن عينهم ولا أنا بلواي=
=تحفزني علي فقد الأمل والموت في حيني
اببعد عن ينابيع التخلّف واعتبر مضماي=
=ثمن حفظ الكرامة في زمن ما عاد يعنيني
ابرقب فوق مرقاب المعزة وانتظر للجاي=
=واغني للهبايب قصتي واقول غنيني
وارتب ما بقالي من فرح في معمعة فوضاي=
=عسى ما تاه مني من أمل يصدف يلاقيني
واسولف للزمن قصة ضياعي واختصر مسراي=
=أبروي ما جرى للحبر الازرق قبل يرويني
واغني للاماني والمواني واعتبر مرساي=
=قبر.. والنورس اللي يطرب البحار يرثيني[/poem]
رد مع اقتباس
المشاركة الأصلية كتبت بواسطة سعيد العمودي
-new.gif)
