[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صوتك إليا غاب عني لو دقيقه = إيه أعاني .. إيه أعاني ... إيه أعاني
لأن غيرك وهم وأنتي اللي حقيقه = شوف عيني ما نقلها شخص ثاني
لو تطيقين الهجر والله ما أطيقه =لو يقول الناس عن قلبي أناني
ليه روحي في بحر حبك غريقه =وأنتي الميناء ولا غيرك مواني
ما يعيق الوقت قلبي ما يعيقه =لو زماني ودّه اليوم امتحاني
لك وسط خفّاقي أمجادٍ عريقه =أنتي من علمني أصول التفاني
لك غرامي معه الأشواق العميقه=يا حياتي يا غرامي يا كياني
يا غلاي اللي خذا مني وثيقه=بالغلاوالحب وإحساس المعاني
يا ( شبيهة القمر ) .. لحظة بريقه=أحمد الله يومه لحبك هداني
يا جميلة يا عزيزة يا رقيقه=الدلع حقك .. ولي شيل الأغاني
لك على أهديك وردي مع عبيقه=ولي عليك اليوم ما ينقص مكاني
ماذخرت لوصلك وشوفك طريقه=اجتهد في حدود ما ربي عطاني
شعري اللي ما قبل غيرك رفيقه=ما يبي إلا بس تحقيق الأماني
كن قلبي يجمع شعور الخليقه=في عروقه وأرسل لقلبك تهاني
أقبليني عاشقٍ أنتي طريقه=وأقبليني قلب يدري العمر فاني
أكذب إليا قلت في فرقاك ضيقه=خطر أموت إن غبتي عن عيني ثواني
وصوتك اللي ما سمعته من دقيقه = الدقيقة طوّلت ... والحين أعاني[/poem]