بسم لله الرحمن الرحيم
من العايدين ان شاء الله وكل عام وانتم بخير
ابيات لتواصل
[poem=font="Simplified Arabic,6,black,normal,italic" bkcolor="transparent" bkimage="" border="none,6,gray" type=2 line=0 align=center use=ex num="0,black"]
يا هاجسي بين تغريبه وتشريقه= الدرب دله ودربك دايم ادلّه
بارسم هدف وانت ملزوم ٍ بتحقيقه= واعرفك منته مظرّيها على الذلّه
والكلمه اللي تراودني على الضيقه = ان كان ما روّحت بجيب لي فله
ما نيب متوهّق ولا فيه توهيقه = اقطع السان الجبان اي بالله اي بالله
اي بالله اللاش ولد اللاش ما طيقه = يموت ويموت صدره كاتم ٍ غلّه
وان عاش ما بين تكذيبه وتصديقه = يعيش عيشة ضعيف ٍ حالته خلّه
مزاجي الصعب لا ياصعب ترويقه = الا بشوف الرجال وصبّة الدلّه
ما هي سواليف عشّيق ٍ لعشيّقه = الا سواليف قوم ٍ تبري العلّه
اللي لهم فوق برج الطيب تحليقه = لو سولف الواحد الباقين تذعنلّه
ماهوب منهم ليا منّه نشف ريقه = تسابقوا السالفه شيتيّت الشلّه
كل ٍ على عرفه يقدّم مواثيقه = يهلّها هلّت ٍ ما بعدها هلّه
الرجل صندوق ما يكشف صناديقه = الا كلامه وميقاف ٍ على حلّه
وختامها بيت من راسي وتسويقه = بيعم كل البلاد اي والله اي والله
بعض العرب يا حلو مزحه وتعليقه = وبعض العرب شوفته بلحالها علّه[/poem]