حرف القوافي
ارجو ان تنال رضاكم
[poem=font="Simplified Arabic,5,black,bold,normal" bkcolor="transparent" bkimage="backgrounds/7.gif" border="none,4,gray" type=0 line=0 align=center use=ex num="0,black"]
هاجوس حرف القوافي يوم ناداها = جته القوافي تسابق في خطاويها
مافيهن اللي تجرّت تقصر خطاها = تـفـز كـل الـقـوافـي مـن يناديها
قــيـفـان شعـرٍ ليـامنـّا كــتبــنـــاها = نتعب على نظمها ونجزل معانيها
نبغى هـــواة القصايد يـوم تقراها = تطرب لترديدها وتحفظ قوافيها
فيها تجارب بهذا الوقت عشناها = وفيها طبايع لبعض الناس نرويها
الكـــلمة الطـــيّبه يازين معنــاها = والكلمة الناقصة ياشين طـــاريها
والناس هاذي من اولها الى اتلاها = لــهـا حياة ٍ مصير الموت يتليها
وطيب النشاما تشوفه في محياها = واهل المراجل تبيّن من مـواريها
الضيف يلقى الحفاوه كل ماجاها = والجار يلقى المعــزّه في نواحيها
شوف النشاما مراد الروح ومناها = واهــل الردى حالفٍ بالله ماجيها
اهل الردى مانتشرف في مخاوها = واهل الشهامة تشرف من يخاويها
وانــكـان مـاخــوّتي بـيـدوم مبناها = الخوّه اللي تمشي الحال مابيها
وماكل ناس بهذا الوقت تنخاها = ياكم نــاسٍ تـخـيـّب من هـقـو فيها
وياكم ناسٍ نظرها ماتعداها = ابعـد مكان تـنـاظـرلـه مـواطيـــها
ولقيت ناس ذبحها حب دنياها = عمي البصاير وحب المال معميها
ولقيت ناسٍ بهذا الجيل شرواها = اللي تـضـيـّع فــؤادك في تـغـلـيـّها
مثل العذارى بملبسها وممشاها = الـله يــسـتـر عـلـينا من تواليها
[/poem]