أخي الكريم / عبدالله بن عبدالهادي بن راجس ..
في هذه الليله فقط دخلت المنتدى فوجدت خبر وفاة والدكم العزيز رحمه الله وأسكنه فسح جناته , وعلى الفور كتبت هذه الابيات ليس للرثاء وإنما كمشاركه وجدانية ووفاء بحق رجل له بصمه رائعة في مسيرة الشعر الشعبي وعلم بارز من أعلامه , وكثيرا ما أردد قصيدته المشهورة ( الفنجال) ..
[poem=font="Simplified Arabic,6,red,bold,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
الحزن والهم كله في عيوني بادي = يابحور الشعر هاتي ماوراي ودوني
كان ماجيتي سريعه تبردين فوادي= اذلفي عني بعيد ودمعتي بعيوني
ادري ان الموت عادي بس غير العادي= ان ابن راجس يموت ولا تجن جنوني
شاعر الفنجال هذا رايدي واستادي = يوم بعض الناس شعره ماملا ماعوني
لو نثر فنجال خله في مسيل الوادي = ربعت صحراء الجزيرة والعرب يدروني
الجديد ان الجديده للزعيم تنادي = قبل مايطلع علينا شاعر المليوني
المعاني للمعاني في يده تنقادي = والشرف والحب الاصلي شيمة المفتوني
يااله الكون ربي جاك عبدالهادي = حط له عندك مقر وحاسبه بالهوني
واحد ٍ عن الف واحد بالمراجل سادي = في مكانه لو تحط الفين مايكفوني
والتعازي للقبيله كلها عدادي = واسمحوا لي كان قافي ماسجع بلحوني[/poem]