(((بسم الله الرحمن الرحيم)))
.
أسعد الله اوقاتكم بكل خير وكل عام وانت بخير قبل الزحمه..!
أتت هذه الخجلى تتهادى لكم من جديدي ولكم السبق فيها
ولي الفرح بكم ..!
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللي عليك آجوع وشلون ماْتجوع=للصايمين إفطار مير انت صايم
كمّل صيامك ليلة البارح أسبوع=وصيامك صْيامي ولو كنت لايم
لايم غيابك وأنت مرئي ومسموع=بين الظلوع الناحلات السقايم
وأن قلت لك وش فيك تقول ممنوع=عسى الصيام أسبوع ماهو دايم
صايم و فْي وصلك لظاميك ينبوع=وظاميك مات اْمن الظما والحدايم
ويقول كان أن الرجا فيك مقطوع=قلي قبل نطل العُقل والعمايم
وقبل زراق اْدموع هجرانك تْفوع=وآطيح وآنا قبل لأهواك قايم
اْمسندٍ راسي بكفي على الكوع=والجفن لا صاحي ولاهوب نايم
يجيه جيش اْنعاسي المسرف اْجموع=ويرجع بَعد ما ذاق مر الهزايم
مهزوم من طيفٍ لبس هيئة اْدموع=بين الجفون أردّعه بالعزايم
متى تجيني..؟ وأشعل إلـ/ شوفك اْشموع=وأذبح لمولد شوفتي لك تمايم
وأفطرّك بعد الغياب وعنا الجوع=وسم اللقاء مشروع إفطار صايم[/poem]