يعيب علي الكثيرون الكتابة في الغزل/والألم
وتوجه إلي انتقادات لاذعه بهذا الشأن
يطالبني البعض بالكتابه في موضوع""معين""
[poem=font="Traditional Arabic,6,orange,normal,normal" bkcolor="black" bkimage="" border="ridge,6,orange" type=2 line=0 align=center use=ex num="0,black"]
بلزم أوزاني على ما تشتهون=بكتب إبإحساس غيري وأختمه
لو صفى شعري بلا نكهه ولون=الشعر معذور لو ضاق إنسمه
كم خنقتون وبعد كم تخنقون=إتجاهاة القوافي الناعمه
الشعر مصدر أحاسيس الجنون=الشعر كوكب مساحه هائمه
الشعر نغمه طليقه في السكون=شمعه في عتمة ليالي مظلمه
هذا شعري يهيم فيني وبه أكون=بين أبياتي مجرد حالمه
أنتقل بين الصحراي والمزون=أرتشف إحساس يبدي موسمه
أقطف الكلمات من عمق الجفون=أكتب بإحساس روحي الباسمه
لو ظلام الكون يستخلص طعون=الشعر ملفى طعوني المؤلمه
لو كتبت الآه من جوفي يكون=الألم فيكم مثل ما أرسمه
أصعد أبـ /حس المآسي وتصعدون=ألعب أبـ /نزفي في بيتي وأرجمه
لو خيال الحب يعطيني جنون=بيت شعري الهوى يستلهمه
أكتب أروع ماقريته وتشهدون=حتى أنفاسي في أبياتي سِمه
لو أتوه ابـ /عالمي ما تشعرون=غير توه العين ويا الترجمه
الشعر نبره أسيره في العيون=تنكتب من غير قاضي ومحكمه
لو جبرتونه على ما ترغبون=ماصفت الا قوافي معتمه[/poem]