عن جديد الذنـب ماطـاح القديـم
أثقلـت نفسـي ذنوبـي واستويـت
يلعب الشيطان فـي راس الغشيـم
ساقني صوب المعاصـي وابتديـت
كـل وادي فيـه يـاربـي نهـيـم
كل حاره .. كل شارع .. كل بيت
إتخـذت ابليـس للغـزوه زعيـم
طحت في حضن المعاصي وارتميت
ياإلهـي رحمتـك وانـت الرحيـم
لو بغيت أحصي ذنوبـي ماقويـت
عفوك أكبر من عبث عابـث لئيـم
يامهيمن في رجـا عفـوك سعيـت
جود لي من جود جـودك ياكريـم
لااله الاانـت لـي مهمـا حييـت
ياعليم الحال مـن غيـرك عليـم
أعطنـي ممـا سألتـك واشتهيـت
ياإلهـي طالبـك قـلـب ٍ سلـيـم
مايخاف الا أنت غيـرك مادعيـت
يامديـر الكـون بأمـرك ياحكيـم
ياكثر مافي صلاتـي لـك شكيـت
إهدني منـك الصـراط المستقيـم
خذ يدي للدرب يـوم إنـي غديـت
لك سجدت أدعيـك بالليـل البهيـم
عن رجا غيرك رجيتـك واكتفيـت
فكني يـارب مـن نـار الجحيـم
كل ماتطري علـى بالـي بكيـت