مساءكم الله بالخير جميعا
ومبروك عليكم الشهر الفضيل
هذي القصيده قلتها بعد وفاة عمي فيحان بن كتاب بن مبشر المغيري العتيبي من كبار موظفي
امارة منطقة الرياض الذي توفي اثر حادث مروري في محافظة حريملاء الخميس الماضي
رحمه الله رحمة واسعه هو وابنه سلمان وحفيده متعب رحمهم الله جميعا واسكنهم فسيح جناته
فقول00000
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
باح العزى من يوم مامات فيحان=قبل الخبر يطلع لشبه الجزيره
الكل منا شارد الفكر حيران=احدن يرد العلم واحدن يديره
مصيبة(ن) حلت على ربع وخوان=خلت صغير القوم يرثي كبيره
ياكم عين هلت الدمع هتان=تسبل مدامعها دموع(ن) غزيره
مصابنا يثر على كل وجدان=يالله عساها الاوله والاخيره
سقنا الركايب يوم طير الخبر بان=يم العزى مثل الجياد المغيره
توافدوا كل القبايل على شان=فيحان مورد من حباله قصيره
متسلسلن بالطيب من روس جدان=مقدم مغير كان جات المغيره
هداج تيماء يارده كل ظميان=لاظامته سود الليال العسيره
ابو اليتاما عالي الصيت والشان=الله من النيران ربي يجيره
كم من سجين فك من قيد سجان=من عقب ماكانت همومه كثيره
كم مشكل (ن ) حله برايه بليهان=وخلا بليس اللعين يرحل بزيره
ياناس ذا فيحان فيحان فيحان=رجال يسوى له لحاله عشيره
يالله عسى مثواه في روض وجنان=وفي جنة الفردوس يكتب مصيره[/poem]
وسلامتكم