[align=center]السلام عليكم
صباح الخير
بلا مقدمات
أضع بينكم
قصائدي
المتواضعات
أتمنى
أن تنال إعجابكم
ولد حرب
.
.
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يارب عدلّ لي مقاسيمي العوج=وهوّن علىّ قسوة لياليّه الجرب
هوّن على اللي ماحنى راسه لحوج=ألا لوجهك رب هالشرق والغرب
في غبةٍ من حزن مشتاله الموج=ويشرب هماج الهم مجبور بالشرب
خسر طموحاً كان بالصغر منسوج=خانه ردى حظه وماكمّل الدرب
يجرها ونات فوجٍ ورى فوج=وتذرف عيونه دمع سرباً ورى سرب
وان ذعذع الغربي ونسيمه له فجوج=يطري عليه اللي سرى متّجه غرب
يطري عليه اللي بالاعيان مدعوج=اللي ليا سلهم لنادر غدى خرب
أبوشفاةٍ من شهد مااعرفت روج=حسناً طبيعي ماانتجت مثله العُرب
وين انت ياللي لجت في خافقي لوج=افزع لقلباً عايش الهم والكرب
افزع له اللي لاايغدي منك مرجوج=اللي من همومه يغني ومهو طرْب
لولا الحيا لاجرّ ونات وازعوج=يااما مماتي أو حياةٍ بها قرب
مير البلا هرج المخاليق مسموج=وانت اتعرفني من ضياغمةٍ وذرب
والله ماتلحق لربعي هالهروج=قولة "فشيلة مات عشقاً ولد حرب"[/poem]
.
.
..
..
عزيزة
.
.
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياعيوني ياعزيزة ادري كنك تقصديني=حتى لوماكنتي يمي بـــ اعتبرني في عيونك
تسألك هاللي بجنبك مع جوابك تنظريني=وابتنهد قلتي ياعيون العزيزة من جنونك
من سمح لك بالتدلع والتغنج تذبحيني=قلت ابشكيك الأدارة غصب لازم يفصلونك
ليه يومنّي سألت وفي دلعك اتذوبيني= ابك انا رجال ثقل وظنك الخايب يخونك
مير هرجي صار فاضي واثر ماهي في يديني=جيت راجع والسبب كل الجوارح ينبعونك
يابنيه وين درب الصيدلية وجهّيني=شيٍ بقلبي ذبحني وينها ربي يصونك
لاتقولي ياعيوني هي يسار او هي يميني=البلا من هالعيون اللي تجنن من يجونك
اشتقى بك قلب شاعر يكتب الدر الثميني=شوفي كل حروف شعره ياعزيزة يكتبونك
وانا من طبعي أوده من دريت انه يبيني=حتى قلبي قد نصحته اسفه اللي مايبونك
وانتي يااجمل من سحرني وين رحتي وآنا ويني=عذبوا بك أكثر الزوار ليه يوظفونك
ياعيوني ياعزيزة عارف انك تقصديني=مامنعني غير خوفي والا واضح من عيونك.[/poem]
.
.
.
.
سألت
.
.
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
سألت الليل عن ليله واثر هالليل من ليلك = أخذ لوناً سحرني به جديلك ياسعة صدري
وسألت الصبح عن نوره واثر هالنور قنديلك =أخذ ضيّه من خدودك وغنّا ابحسنك القمري
وسألت الورد من جابه وقال انه من اكليلك=وبعضه ينبت بأرضٍ عليها خطوتك تسري
وسألت الشمس من شافت بهذا الزين في جيلك=وكن اشعاعها يكتب( ......).ابحسنها المغري
وسألت القلب ياقلبي على من هو مواويلك=وجاوب قلبي الهايم على اللي دايماً تطري
وسألت العين ياعيني على من هو هماليلك=وانا اقرا اسمك على دموعي وعيني اتكابر وتدري
وسألت البال لا سافر وانا ادري بانه يخيلك=أجاوب من سأل "وينك" ويضحك من غبا عذري
وسألت الشعر من زادك؟ وعلاّ بالدرر كيلك=واثر طاريك لاجبته هو اللي امزينن شعري
وسألت النفس وش فيها تذوب ابوقت مااجي لك=وقالت غنجها يذوب وادوووووخ ابـــ يا بعد عمري
تعالي وامسحي دمعاً يجي من شان منديلك=بعد ماجالك شعوري يصيبك شك في أمري
وانا معلنها للعالم يا آخر حب كلي لك=ولوفكرت انا اخونك بخونك بس في قبري
ألا يامهجة أيامي تعالي بس ياحليلك=تبين أعشق سوى قلبك..على كل البني بدري..![/poem]
.
.
.
وينها
.
.
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وينها هي ليه خلتني وراحت=ويش أسوي يادموعي عقبها
وين مايممت وجهي ليّ لاحت=حتى عيني ماتشوف ألا بها
طفلةٍ جتني تشكّى ثم صاحت=وابكت اللي جا يهون كربها
وردةٍ ذبلت وذبلت ثم طاحت=يوم غيري حاز عقبي قربها
ليتها لعروق قلبي مااستباحت=ليتني ماطحت يوم ابحبها
ليتها في عشقها ليّه ماباحت=عذّبتني ويلها من ربها
صرت اجاوب ورقةٍ بالدوح ناحت=كلما مريت ماشي ابدربها
يادموعي ليه خلتني وراحت=ويش اسوي ويش اسوي عقبها[/poem][/align]