[align=justify][align=center]مساكم الله بالخير ..
انا ادري إنه طلع مني غبار .. واعمى العيون والصياح والنياح يصم الأذان بسبب قدومنا الميمون <== اقعد يالواثق :واو:
وتخبرون إني مغير اسمي حتى يوم دخلت ماعرفت نفسي ،:مزون:
بس تخبرون إن المصالة يجي لها وقت من اوقات الحياة توصل ذروتها وتبدأ تزبد وترغي
مثل لبن الخلفات لاحلبتها وتعبت الطاسة ( السحلة ) رغوة وفيها بعض الحبيبات من الذباب..
ففي مثل هذه الحالة لابد لك من خيارين احلاهم مر .. الاول إنك تشرب وانت تشوف الذبانة
تغوص في الرغوة ( فيه احتمال كبير توصل للحليب وتبلعها ) والخيار الثاني إنك تستخدم
صويبعاتك وخصوصا السباب لاخذها ثم ذبها بعيداً بان تضغط سبابتك بالإبهام لتأخذ ( عزم )
ومن ثم ( تمحط ) بها بعيداً عن الأصبع
# وهذه الهواية يستخدم الكثير من المواطنين عند إنتظارهم لساعات في الإشارات المرورية في عاصمتنا الغراء#
(( تحذير )) اللي تحوم تسبده لايكمل الموضوع لان فيه بعض المصطلحات التي لاتتوافق
مع اللي عندهم ( فوبيا ) من الكلمات الماصلة :مزون:
ماعلينا ..
نجي لرغوة ،، احم .،، قصدي لزبدة حديثنا ..
اختي العضوة اتبعي الخطوات التاليه للحصول على عريس باسرع وقت :
1- سيّري مع أمك العصر لجيران والجماعة
2- استخدمي (( ديرم )) لفرك اسنانك .. صح إنه ماينفع فيه من الخطوط الكلسية اللي طالعه بها بس يالله عن قولة طريف ماجيته .
3- اقرب صيدلية واشتري حجر بركاني لإزالة الإسوداد من الركب وإزالة (( الفطور )) من مفصل القدم وكعبه.
4- استخدمي الحناء على الشعر ولاتنتفين جواجبك لانه يمكن تصير عندك هرمونات ذكورية زيادة فـ يقب وجهك شعر .
5- إذا سيروا حريم عليكم بالبيت .. زيني لهم القهوة وحطي التمر بالسمسم ولاتنسين الشاي بالزعفران عشان يقولون البنت هذي قرمة وتشتغل .. ولاجيتي تجلسين معهم خليك منزلة راسك بالأرض بس انتبهي سعبولتك لاتنقط من جراء الضغط الجوي ..
6- افتحي صداقات مع بنات الجيران حتى لو كانت بنت الجيران (( فدغى )) اقل الإيمان تشوفين اللي بيصير عريس المستقبل لاتتوهقين بواحد وجهه كانه ((موطى خبل ))
7- استخدمي المبلابس اللي فيها (( ترتر )) والبسي خواتم من القديمات ام فص (( اخضر )) عشان تعجبين العجايز ويقولون إن البنت عندها نضرة للماضي ..
وانا اقول لو تتبعين النصائح هذي من بعد ماتقفلين المشاركة إلا العرسان واقفين طوابير على الباب حتى إنك تتطرين تحطين ماكينة حجز ارقام زي اللي بالبنوك..
بدووووري ( مجنـ انا ـونها ) سابقا ...
وقديمك نديمك لو جديدك اغراك <= وش جاب الطاري ؟؟ :11retcher [/align][/align]