[align=center]الأصـل يحكـم والمواقـف لهـا دور
اسمـع كلامـي قبـل لاتقـول وتـذمّ
استهلال رائع يعطي صوره قويه لحروف قادمه
من أول أزعل حيـل وأعصابـي تثـور
وتمر لحظاتـي معـك هـمّ فـي غـمّ
وكنت أحسب الدنيا سلامـات وحبـور
وابحر مع الأحلام مـن يـمّ فـي يـمّ
وان الليالـي تزيـد لاشافتـك نــور
وان الفـرح مـن فرحتـي لازم يعـمّ
كنت أحسبك رجّال وافـي لـه شعـور
وان المراجـل مالهـا خـال أو عــمّ
واهواك مهما شفت من قلبـك قصـور
واقـول خلّـي والغـلا واجـد وجــمّ
تصوير رائع بحرف عذب للحال اكتساها الم مستكن
قدره عجيبه لتوصيل ماارادت توصيله لقلوب القراء ووصلت كما ارادت
واثري غشيمه وانت في الغدر دكتـور
ماشفت من وصلك وحبّك سـوى الهـمّ
علمتني كيـف المـلا تخـون وتبـور
وعلمتني كيـف العسـل يخفـي السـمّ
من غير احم - سقت الخيانه - ودستور
قلبـك رخيـص يخـمّ ماقابلـه خــمّ
حرف قوي ورسم متقن بريشة فنانه لصورة ( وهم الحب )
ملّيت من قولـة تـرى الخـلّ معـذور
وآلـمّ فـي دنيـا كبيـره علـى اللـمّ
واضـم كـفٍ كلّهـا غـدر وفـجـور
تعـوّدت مـن كفّـي الحـبّ والضـمّ
لوحه اخرى جميله للقرار لم تخلو من صور رائعه
والحيـن لاوالله تـرى البـال مسـرور
ومن السعـاده ضحكتـي شقّـت الفـمّ
فارقت همّك واصبـح الحـال مستـور
وابشرّك بشـرى تـرى جرحـي التـمّ
أول ألبـي لـك ولـو بيننـا بـحـور
واليوم تبطي عظـم ماقلـت لـك سـمّ
تمكن غير مستغرب من اهله في نثر إبداع شعري وسلاسه مفردات
وتصوير جديد لايقل عن سابقه من حيث الروعه
ولـو نجتمـع مانتّفـق دامهـا تـدور
الأرض فيـنـا والليـالـي بـهـا دمّ
ختمه رائعه ببيت عن قصيده
الشاعره امل عبدالعزيز
صح الله قلبك وفكرك
قصيده عذبه وحروف تنبض بصدق المشاعر
تصوير رائع وصور اروع وسرد ممتع لايمل
يسلم نبضك واحساسك
لك مني كل التقدير والاحترام[/align]