المشاركة الأصلية كتبت بواسطة أمل عبدالعزيز
.
.
.
صباح الورد والعطر والزيزفون ...
ويبقى الشعر نديم الروح يأسرها ..
فحيناً نكتُبُ الشعر وأحياناً يكتُبُنا..
ولكم كتبتنا المشاعر ونحنُ في منأى عنها ...
واليوم يسرني أصافح قلوبكم / أعيُنُكم .. بل مشاعِرُكم ..
ومن هنا سيكون لقاءكم اليوم مع
عزف أوتار قلبي ..
.
اقبلوها كما هي أيها الأنقياء.
.
.
[poem=font="Simplified Arabic,6,crimson,bold,normal" bkcolor="black" bkimage="" border="ridge,8,crimson" type=2 line=0 align=center use=ex num="0,black"]
ودي أسكن محجر عيونك وأكون=أجمل إنسانه يطالعها نظرك
شمسك اللي بين رمشك والجفون=وان سهرت الليل في عينك قمرك
وأهجرك لو نظرتك لحظه تخون=وأعتذر لك لو خفوقي ماعذرك
واعذرك واخذ وعد منك تصون=نظرتك في غيبتي أو في سفرك
ماحتمل غيري على قلبك يمون=وماحتمل لو غيري بكلمه ذكرك
وماحتمل غيري يناظرك بعيون=حب ولاّ شوق خذ مني حذرك
لاتجرّب ثورتي بعد السكون=لو كسرت القلب في لحظه كسرك
تدري بطبعي غيوره للجنون=وانّك الخسران لو قلبي خسرك
وانت تعرفني من اللي يحفظون=لو غدرك الكل قلبي ماغدرك
أعشقك وأهوى بروقك والمزون=تنتعش روحي على وابل مطرك
يرتوي في داخلي وعد وشجون=وقلب كم ياكم تولّع وانتظرك
لاسمعتك تنطفي نار الظنون =أدري إن الشوق يالغالي أمرك
وانتثر لك وقتها شعر ولحون=وأكتب أبياتي على موجة بحرك
ولالمحتك راح وجهي ألف لون=كل هذا بس من شوفة صورك
كيف لو شفتك حقيقه ياحنون=كيف لو ليلي غرق فيك وسهرك
باختصار القول تدري من أكون=أصدق إنسانه وهبها لك قدرك[/poem]
أختكم :
أمل بنت عبدالعزيز...