[align=center]مساءكم سكر :
.
.
كيبوردية أتمنى ان ترقى الى مستوى الذائقة العامة :
.
.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الجادل اللي صيفت في فيينا = والعام في روما وقبله إباريس !!
ماعاد تعجبها مصايف وطنّا = لو إنها . . أقصى طموح المفاليس !!
مالله كتب تسأل من هناك عنّا = وشلون تتركنا لنار الوساويس !!
الحال من عقب المفارق تدنّى = مالي رفيق إلا كبار الكوابيس !!
أكتب وجرحي بالكتابات غنّى = أرقى الأغاني من شعور وأحاسيس !!
لوكان لي بالحب عزم المثنى = وإلا صبر أيوب وإلا أمرؤ القيس !!
ماكان عود الموز لامن تثنّى = ذكرني اللي تستثير النسانيس !!
ولاكان غاليها ليا من تمنى = دعى لها رغم إختلاف المقاييس !!
مابين قلب ٍ بالوصل ماتأنى = ومابين قلب ٍ أسس الهجر تأسيس !!
الله يعينك ياخفوق المعنى = صيفت مابين الحزن والهواجيس !!
الحزن منّا والهواجيس منّا = وأنا أذكر الله وأتعوذ من أبليس !![/poem]
وللجميع أرق تحياتي
أخوكم / منصور الحربي ( مغترب )
30/8/2007م[/align]