المشاركة الأصلية كتبت بواسطة ناصر القزلان
لعيون ( غرابيل ) فقط ..آخر نزف .. عسى أن يكون على مستوى الاحساس مني والقبول منكم ..
[frame="7 80"][poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اطعني قلبي عسى قلبي يكفي شوف دمه = وكان مايكفيك دمه كرريها واطعنيني
وارسمي فوق القميص اللي قطعتي راس كمه= واكتبي ذكرى على ياقة قميصي وادفنيني
واتركي لي طيفك اللي كلما حاولت أضمه = طاح في داخل حشاي ونام في مفرق حنيني
ابتديتي وانتهيتي والطفل ماعانق امه = كني الطفل اليتيم وكنك ارحم والديني
سامح الله الفراق وسامح الطيب ومشمه = وسامح الله النوايا والحلوم اللي تجيني
ان رضيتي ماعلى الخفاق من تكفير همه = وان زعلتي تنبت الاشواك في راحة يديني
كني اللي يزعج الاصوات مامخلوق يمه = هزني لحن الوداع وشاب رمشي قدم عيني
علموها كيف همي جاب لي خاله وعمه = نام هذا عن يسار ونام هذا عن يميني
فهموها كيف الاجواء في عيوني مدلهمه = ضحكتي تمت شهرها صايمه في شرع ديني
ماعلي من المذاهب والمشايخ والائمه = مالي الا في ولي السالفه والشاهديني
كان زادت في جفاها صارت الدعوى مطمه = ليتها قالت وش اللي حدها ماتحويني
ليتها تاقف على الخفاق لاضاق وتلمه = تكتشف قيمة غلاها كلما تسمع ونيني
لو تعاتبني بلطف وتمسح الجرح وتكمه = عن لواهيب الفراق ولعبة الايام فيني
كان ذبحي حق له مشروع قولوا له يتمه = مابقا لي في حياتي شي يستاهل سنيني [/poem][/frame]