المشاركة الأصلية كتبت بواسطة أمل عبدالعزيز
.
.
.
.
مساء الشوق والمحبة أيها الأنقياء
ولا مقدمااات
ولا تنميق
.
.
.
إليكم آخر النزف أيها الأحبة
.
.
.
[poem=font="Simplified Arabic,6,silver,bold,normal" bkcolor="transparent" bkimage="backgrounds/9.gif" border="ridge,8,burlywood" type=2 line=0 align=center use=ex num="0,black"]
الأصل يحكم والمواقـف لهـا دور=اسمع كلامي قبـل لاتقـول وتـذمّ
من أول أزعل حيل وأعصابي تثور=وتمر لحظاتي معك هـمّ فـي غـمّ
وكنت أحسب الدنيا سلامات وحبور=وابحر مع الأحلام من يمّ في يمّ
وان الليالي تزيد لاشافتك نور=وان الفرح من فرحتي لازم يعمّ
كنت أحسبك رجّال وافي له شعور=وان المراجل مالها خال أو عمّ
واهواك مهما شفت من قلبك قصور=واقول خلّي والغلا واجد وجمّ
واثري غشيمه وانت في الغدر دكتور=ماشفت من وصلك وحبّك سوى الهمّ
علمتني كيف الملا تخون وتبور=وعلمتني كيف العسل يخفي السمّ
من غير احم - سقت الخيانه - ودستور=قلبك رخيص يخمّ ماقابله خمّ
ملّيت من قولة ترى الخلّ معذور=وآلمّ في دنيا كبيره على اللمّ
واضم كفٍ كلّها غدر وفجور=تعوّدت من كفّي الحبّ والضمّ
والحين لاوالله ترى البال مسرور=ومن السعاده ضحكتي شقّت الفـمّ
فارقت همّك واصبح الحال مستور=وابشرّك بشرى ترى جرحي التمّ
أول ألبي لك ولـو بيننـا بحـور=واليوم تبطي عظم ماقلت لك سـمّ
ولو نجتمع مانتّفق دامهـا تـدور=الأرض فينـا والليالـي بـهـا دمّ [/poem]
.
.