[align=center]السلام عليكم ورحمة الله وبركاته
يسرني الانضمام الى هذا الصرح الشامخ واقدم لكم اخر ماجادت به القريحة[/align]
[poem=font="Simplified Arabic,6,black,normal,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
اليوم فـي قلبـي هجوسـن تصاليـه =يضرب به الهوجاس ضرب الشواكيش
يا سعد من حجـزه مؤكـد واوكيـه =وعدى الجمـارك كلهـا والتفاتيـش
واقلع على اللـي نايـد الـدار تدنيـه =يـم السعوديـه بوقـت المغابـيـش
لاطهر ثرى وديار بيضـان الوجيـه =اللي بوجه الضيـف دايـم مباشيـش
قومن طريق الديـن والجـود تمشيـه =للمـال هيـف وللجمايـل محاويـش
رجالهـم يفـرح بضيفـه وعانـيـه =دايـم وبيتـه مدهـلـن للمداغـيـش
ضارن على يـا مرحبـا الله يحيـه =وسوق الدلال وتمرة خلاص وهشيش
والحيـل للضيفـان تمـلا صوانيـه =والعود الازرق فالغتـر والنخاشيـش
وليا حـدوك القـوم بانـت مواريـه =يونس على الفزعه براسـه نغاميـش
وديـار عنـق الريـم فيهـا مرابيـه =كم ترفتـن فيهـا هدبهـا معاكيـش
ضافن عليها الستر والبشـت تضفيـه =وتضفي غطاها فوق شقر العكاريـش
ثقل وعقل من لـد مـا تلتفـت فيـه =يفدنهـا كـل البـنـات المرابـيـش
لبيـه يــا دار المناعـيـر لبـيـه =يا جعل تسقيها المـزون المراهيـش
الله يسوق لها المطـر مـن مناشيـه =يسقي الفياض المجدبـات المعاطيـش
هـذا هـوى قلبـي وهـذي مناويـه =ريحة ثراها غـب نـو الرشاريـش
ما هيب ديره نورت مصر يـا بيـه =وعيونهـم يـم المخابـي مشاويـش
مصري من المنقـه كبـارن علابيـه =وليا هرج كنه مسجـل علـى فيـش
يفزع ليا اروح ريحه ريـال وجنيـه =والمرجلـه بسلومـهـم للـدراويـش
ادنى طلب مـا يعملـه ليـن تعطيـه =حتـى التنفـس عندهـم بالبخاشيـش
واليوم ابا اشقق جوازي وابـا ارميـه =في غير داري ما اقدر ادله ولا اعيش
[/poem]
رد مع اقتباس
[/align]
