[align=center]السلام عليكم
شاعرتنا طيف آلوله اسعد الله مساك ومن يقرا
اول شي صح السانك على قصيدتك
وهذا ردي المتواضع [/align]
[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامرحبابتس عد ما ،، يرزمنّي=سحايبٍ تمطر مع الوسم ،، شهرين
بوحك سرابي يالهنوف وسكنّي=ورّكاب فكري درهمة ،، بالمضامين
مثلك آفز الهاجسه لآ زبنّي=فزة فقيرٍ بشروه ،، بملايين
خطك قريته بنسجآم وتأني=واعجبني اللي كاتبه ،، بين قوسين
نعم ليآل العمر مايرجعنّي=لوهي تعوّد كان مآبه ،، شقيين
واللي يغيب بلا سبايب ،، ماضنّي=ياطيف يستاهل هوى ،، مثلك سنين
اهل الهوى للوصل دايم تعنّي=وتفز فزة شيخ دون الدخيلين
وغدر الهوى خناجره يذبحنّي=من طعنهٍ ياما توفو محبين
عن الهوى ،، كم واحدٍ قد سالنّي=الّد له ،، واقول بالله بعدين
عوج المحاني داخلي ،، قفلنّي=لنه ليا منه درى الناس ،، دارين
بعت السعاده والهموم اشترنّي=تثور بي ،، لاقفى من الليل ثلثين
واصبر واكابر ،، وتحاشا لأني=طبعي كذا ،، حاظر ،، وماضي ،، وذلحين
كثر التجارب ،، والليالي عطنّي=واخذٍ عوظها ،، خافقي والشراين
عايش على ذكرى الهوى ،، ومتبنّي=الطيب ،، والنوماس ،، والطهر ،، والدين
اللي جهلني قال ،، شايب لوانّي = توّي باواخر ،، بحر سبعه وعشرين
رائيي لك الاسرار ،، لا يطلعنّي = والنفس ،، لا تتبع ركاب المقفين
وختامها ،، مافــ.. المحبه ،، تهنّي =والله يحفّظك ،، من هروج الوضيعين
[/poem]
[align=center]
وسلامتكم
،،
،[/align]
رد مع اقتباس
[/align]
