[poem=font="Simplified Arabic,7,black,normal,normal" bkcolor="transparent" bkimage="backgrounds/39.gif" border="none,4,gray" type=2 line=0 align=center use=ex num="0,black"]
البارحه قررت اعيد حسابي=واسرجت خيلي واقتفيت اركابي
كلما طرالي بيت قمت اشيله=واطرق لبابه قبل يطرق بابي
وبعض البحور ليا لقيته اطرب= لشيلته لانّه ينال اعجابي
اما يذكرني بشي ٍ ماضي=وإلا يذكرني ببعض احبابي
بس الوكاد انه يلامس روحي=والله هو اللي ساقني وادرابي
والشعر احبه واعشقه واقوله=وان كان ما غنيت به غنابي
نعم الخوي وقت الرخا والشده=سيفي ودرعي محزمي واجرابي
يترجم احساسي ويشرح وضعي=انا اشهد انه من اعز اصحابي
اوظفه في كل علم ٍ غانم= ولاني بمتحشّد ولا مرتابي
واحط به من كل بحر ٍ قطره= حتى يصير بمظهر ٍ جذابي
ارتب المعنى واصوغ الفكره=و اوصّل المضمون دون اسهابي
واختار من بين البيوت اجزلها=وتصفيقة الجمهور حق اتعابي
اعرض قصيد للملا واقوله=واطهره من كل قول نابي
شعري يمثلني وانا اللي قلته=اما على او ينحسب لحسابي
ارفع قصيدي واحفظه واصونه=اخاف من قول ٍ علي ينعابي
واخذ بشور اهل الحكم والخبره= اهل الشهر وايضا اولو الالبابي
وافرح واقدر كل من يسمع لي= واسمعه ما لذ ّ منه وطابي
وليا حضرت احضر وانا متطمّن=ما اشيل هم ولا احرق اعصابي
واغيب لكني ابد ما طول= وان غبت عندي ما يسد غيابي[/poem]
[align=center]شعر / عطالله ممدوح المضياني - الخرج[/align]
رد مع اقتباس
