السلام عليكم
مساكم الله بالخير
يالربع قبل كم من يوم شديت الرحال قاصداً مكه ابي آخذ لي عمره (تروني دعيت لكم) ههههههههه
المهم ..قالوا الشباب نبي نمرح بالطايف ونجلس يوم ونعتمر بكره في الليل باذن الله (هذا الكلام الساعه 11 بالليل ) والله ودورنا لنا شقه ويالله لقينا تخبرون اجازات العالم.
ومالكم بالطويله ... وانا ارقد حوالي الساعه ثنتين تقريباً وعاد تخبرون مشقة السفر وغثاه
ولا قعدت الا الظهر مابقى شي عن الاقامه (صلاة الظهر) وانا اقوم واوضي وانزل للمسجد
الا والامام توه مكبر تكبيرة الاحرام وصليت معهم ..(طبعاً اربع ركعات لانه امام راتب)..
وقبل التسليمه جاني ابليس وقال ’’سلامات عسى ماشر من متى الناس يصلون الظهر قبل الفجر’’
وانا اتذكر اني ماصليت الفجر ..عاد جلست شوي ياولد وش الدبر وش الدبره
واتلفت يمين ويسار يمكن القالي احد اسأله والا شي مالقيت احد..
وانا ابي اجمع واقصر ..
زبدة الموضوع .. قمت وصليت الفجر وبعده صليت العصر ركعتين ....
الان ما ادري وش حكم صلاتي يالربع ..اتمنى من اللي عندهم علم انهم مايبخلون علينا
وجزاكم االله خير ..وآسف على الاطاله ..
اخوكم