[align=center]مساءكم سكر :
.
.
مصافحة بعد طول غياب . . تمنياتي ان ترقى الى مستوى الذائقة العامه :
/
.
/
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الليله أحلام وسفر وإختلافات = متناقضات الأمثله والمقاصيد
فيها الأماني حزنها ( يجلد الذات ) = وفيها لضحكات الفرح ( نازح البيد )
لولا المسامع ماعِرف فرق الأصوات = اللي تضم مع النياح . . الأناشيد
والحب تأثيره تبيَنه الآهات = فيما مضى أنهك منهكين البواريد
وأنا على كثر إختلاف الحكايات = حول الغرام وباليات التقاليد
كَونت للعشاق ديرة وميقات = وشفت العذارى يطلقن الزغاريد
ورسمت لك ياصاحبي بين الابيات = تاريخ لكن غبت عن عيني بعيد
ناديت لك يوم المفارق ( سلامات ) = وقطفت لك ورد ٍ حشاه المناقيد
ماتت يديني لكن الورد مامات = باقي مثل ماكان من ليلة العيد
تدري وش اللي تفقده أنت بالذات = صدق المشاعر . . وإحترام المواعيد [/poem]
.
.
تقبلوا جميعا تحياتي ..
منصور الحربي ( مغترب )
6/8/2007م[/align]