ما نيب من يكتب و لا يقرا له !!!

[مسفر الدوسري]

[align=justify]

مسفر الدوسري


والنعم أبك وبقبيلتك الدواسر

وياليت .. الشعراء كلهم لا يكتبون سوى الطيب
ويتركون هزيل القول ، لكن للأسف التمني غير

صح ألسانك
قصيدة قوية



لك
ود و ورد


صادق الإحساس

[/align]

[align=center]صادق الاحساس

ما عليك زود طال عمرك

صح بدنك و الله لا يهينك

مرورك شرفني

تقبل تحياتي[/align]

[ماجد نصار]

الله يصح لسان مـن هـو قالـه<<<< بس مليون مره

قصيده رائعه
ونعم فيك يالغالي


وننتظر جديدك,

[مسفر الدوسري]

[align=center]الأخ : ماجد نصار

صح بدنك ملايين يا القرم

و لا عليك زود طال عمرك

تقبل تحياتي[/align]

[عبدالرحمن الجبابرة]

[align=center]
بسم الله الرحمن الرحيم

الأخوه الكرام

السلام عليكم ورحمة الله وبركاته


يسرني مشاركتكم بهذه القصيده

و التي إن شاء الله تحوز على رضاكم


أقول فيها :[/align]




[poem=font="Simplified Arabic,5,darkblue,bold,normal" bkcolor="transparent" bkimage="backgrounds/47.gif" border="groove,6,darkred" type=1 line=0 align=center use=ex num="0,black"]
ما نيب من يكتـب ولا يقـرا لـه = شاعـر وكـلٍ يستمـع لقـوالـه
شاعر ولا يكتب يا كـود الطيـب = يختار جـزل القـول دون هزالـه
الأبيات اطوعها وهي تخضع لـي = و الشعـر دايـم شـاربٍ فنجالـه
احـب اجالـس كـل قـرمٍ وافـي = اللـي احـلال الطيبيـن حـلالـه
نـاسٍ تصاحبهـم وتفخـر فيهـم = اللي لا مـال الشـي لـه عدالـه
و ناسٍ ما تبغاهـم ولا صحبتهـم = فعل الردا و الشيـن لـه شيالـه
حيث النسـر مالـه مكـانٍ بييـن = و الحـر دايـم عالـيٍ منـزالـه
ابـوي شيـخٍ طيبـات فعـولـه = الجود رجمه لـو عـلا يرقـا لـه
افخر ليا قلـت أسمـي وطريتـه = و افخر بأني واحـد مـن عيالـه
منيـف جعـل الله يطـول عمـره = راع الوفا والطيـب هـو رجالـه
المدح ما يزهـاه كـود النشمـي = و لا كل رجلٍ يا عرب يزهـا لـه
و إن عـودت للابـه و للعـزوه = أنا من الشجعـان و أهـل الطالـه
ربعي هل الوقفات و أهـل الهيبـه = أهل الكرم في ادقاقه وفـي جلالـه
أهل العشر قوم الفخر و العزه = الطيب ما نختار كود جزاله
لاد الحبيبـي لابتـي و حـزامـي = أهل السيـوف الحـدب والقتالـه
حنا المصارير الصقور الحره = أهل الوفاء و العز حنا ابطاله
فالسلـم سلـم وفالحرابـه علـه = و وقت الملاقـى للحمـل شيالـه
رجالنا يسـوا تـرا لـه عشـره = و يزبن المضهـود لا مـن جالـه
دواسـرٍ تفعـل فعـولٍ عظـمـى = أهل الوفـاء بأنواعـه و بشكالـه
الزير هـو وكليـب منـا وفينـا = نفخـر بهـم فرسـانٍ و خيـالـه
حنـا بنـي تغلـب كعـام العايـل = اسلالةٍ يـا طيبهـا مـن سلالـه
و أنا أحمد الله أني شخص سعودي = مـن ديـرة اللـي للكـرم فعالـه
اخـوان نـوره طيبيـن السيـره = آل السعود أهل الوفـاء ورجالـه
نـاسٍ بديـن الله دايـم تحـكـم = و الخير دايم يا عرب تسعـى لـه
في ظل أبو متعب عريب المجنـى = اللي علـوم الطيـب دايـم فالـه
يا الله يـا الله تنصـره و تعـزه = و بارك جهـوده كلهـا و عمالـه
بعيـدهـا و قولـهـا و اكــرر = ما نيب من يكتـب ولا يقـرا لـه
شاعر وشعري جـزلٍ ويعجبنـي = و ما همنـي لـو كثـروا العذالـه
و ما قول أنا الشاعر ولا أحد قدي = و أني وصلت لشي ما أحدٍ طالـه
الشعر يفخر فيني وفـي شعـري = مثل ما يفخر في خلـف و امثالـه
و اللي سمع قولي لا شك بينطـق = الله يصح لسان مـن هـو قالـه
عسى الولـي يظلنـي فـي ظلـه = في يوم ما به ظـل غيـر ظلالـه
يا ربي اغفـر زلتـي و ذنوبـي = يا اللي مـا نسجـد كلنـا إلا لـه [/poem]




[align=center]و سلامة الجميع


أخوكم الشاعر : مسفر بن منيف الدوسري .


تقبلوا كل الود و التقدير[/align]

أخوي الشاعر مسفر الدوسري
صح لسانك ملايين وسلم فكرك
ومليار نعم بك وبربعك كلهم

.
.
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اخـوان نـوره طيبيـن السيـره = آل السعود أهل الوفـاء ورجالـه
نـاسٍ بديـن الله دايـم تحـكـم = و الخير دايم يا عرب تسعـى لـه
في ظل أبو متعب عريب المجنـى = اللي علـوم الطيـب دايـم فالـه
يا الله يـا الله تنصـره و تعـزه = و بارك جهـوده كلهـا و عمالـه [/poem]

آمين يارب ويحفظ لنا ها الوطن الغالي
.
.

لاعدمناك
.
.
.
مودتي