[align=center]بسم الله الرحمن الرحيم
[frame="7 90"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا اللي ورى بعض المواضيـع لحَـاح =اعلـم بعلـم وحـط عنـده علامه
كان اليالي عنـدك اعيـاد وافـراح =مـا مـر بـك ليـلٍ تمنـا منامـه
لا تحسب اني داله القلب مرتاح= يوم اني امزج بالكلام ابتسامه
احاول التمثيـل بأسلـوب مـزاح =واعايـش الواقـع واريمـه ريامـه
لخاف الجروح بعالم الطـب جـراح =ولاطـب فـاد ولا تفيـد الحجامـه
بيني وبين اللي تهنـو بـا الامـراح =مشـوار ماتنهيـه شــده وقـامـه
غريق موج ولا مـع المـوج سبـاح =ضاعـن مجاديفـي وزاد التطـامـه
مع عالم الانسـان واداعـب اشبـاح =فوجٍ يفـوت وفـوج يبـدى سنامـه
ليه مع الهوجـاس مسـرا ومسـراح =حـدد شروطـه واستمـر ابدوامـه
يشـن هجماتـه علـيـه ويجـتـاح =آخـر جنـودٍ مـا ايقنـو بالسلامـه
بجنود تفتـك بالمقـاوم بـلا سـلاح =قرر وحل ونـال عـرش الزعامـه
عيا يزيح وعنه وش لون ابا انـزاح =لاصـرت يهـل المعرفـه والفهامـه
على مثل ماقيل طيـرٍ علـى جنـاح =للحوم هام وكـل مـا طـاح هامـه
يبي فسيح الجو وإليا انتهـض طـاح =طـال المطـال ولا تحقـق مرامـه
وتخيـل عينـي بالدجـا بـارقٍ لاح =واجتاحت الغـرا زعـوج وعتامـه
عكس السفينه هب ذعـذاع الاريـاح =توقفـت واليـاس ركــز خيـامـه
ولي قال من له مع هل العرف مشواح =اللي غرامـي عينـةٍ مـن غرامـه
يبدى خفا الماعون لاصـار نضـاح =ومبناً بليـا سـاس عجـل انهدامـه
وعن حالي الماء لوتجرعت الامـلاح =لاصار يومك ما انت ناوي اصيامـه
اخير من عذبٍ تحت كـف شحّـاح =يعـده المثبـور وقـت انسجـامـه
والعـود الازرق بالدواويـن لافـاح =يعطيه راع الصنـف كـل اهتمامـه
وعليـك باللـي للصعيبـات نطـاح =و اصغيت لـه ولا استهنـت ابكلامـه
جاملت وقتـي واستحقيـت الامـداح =لو للدهـر قانـون فـزت ابنضامـه
نصيـح لكـن مامشالـي بالانصـاح =لقبـل ماغطـا ويضحانـه جهامـه
ان قلت فزت اليوم في جمع الاربـاح =بدايـت الصفقـه قسيمـة غـرامـه
وعزاي في قولت بعيديـن الاشبـاح =ما احدٍ جنى من زود صبـره ندامـه
وشكواي للي يعلـم اسـرار الارواح =مغيث الديار الممحلـه مـن غمامـه
قلت وبقا باقي خفا السـد مـا انبـاح =عن فرحة اللـي يهتـوون الملامـه
البـاب بـه قفلـه وللقفـل مفـتـاح =ورهنـت مفتاحـه ببنـك الكـرامـه
وصلوا على المختار ما الراعبي ناح =نذيرنـا عـن هـول يـوم القيامـه [/poem][/frame]ناهس بن ناحل [/align]