للتواصل
ويالله يارب انها تجوز لكم :)
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
وش جاك منّي يومني كل ما .. رن=عليك .. ماألقى لاتّصالي اجابه
مارق لي قلبك ولا خاطرك حن=مدري جفا ذا منْك ولاّ عوابه
ياأحلى مخاليق الله الانس والجن=وأطهر من رشاش المطر و السّحابه
ياللي زهور الفل منّه يغارنّ=يامن بدا فيه الحسن وانتهابه
قلّطت لي فنجال كايف بلا .. بن=طعمه وطعم التوت فيهم تشابه
ولحّفتني باللي كما الليل وأدكن=وخلعت عن خوف المواجه ثيابه
وذوّقتني حلاك وبذوق وب فن=أبعدت عني كل حزن وكأبه
وروّحت ساع اعروق جوفك تغذّن=وحوّل عن الرجم الطويل الذيابه
تثقل بعد مااقفيت يامخيّب الظن =عقلك بدا ف شوي يفقد صوابه
ركّبتني مشروه وعاتبتني عن=وقتٍ خذانا ماحسبنا حسابه
ماكنّك اللي يوم خلّيته انْجَن=ولا اهتنا .. في زاده ولا شرابه
تبكي وترسل دمع عينك علي كن=الفرْح لامن غبت .. يكثر غيابه
وماكنّي اللي جيت ياصغيّر السن=وعمّرتها لك عقب ماهي خرابه
فكّر يااعز انسان فيّ .. وتمعّن=ولاتصد وقوّ عزمك وجابه
مانيب متضايق ولانيب محزن=وصلك هلا به .. والمفارق هلا به
حضّر وعطني من أخيرك ولا تمنّ=واذا الجفا والهجر شرّعت بابه
يمكن تعلّق ب ألف غيري ولكنّ=أنا الوحيد اللي بتشكي غيابه[/poem]
.