[align=center]السلام عليكم
بحر حزني
.
.
.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أصيح صياح ماحي ٍ فطن لّـي=سعير النار مـن فينـا يطيقـه
أصيح صياح من شي ٍ حصلّـي=ذبحني وولـع بقلبـي حريقـه
حبيبي حب له غيـري محلّـي=حقيقه ياهلـي هـذي حقيقـه
ألا ياليـت ماعلمـه وصـلّـي=ولا هيج بي جـروح ٍ عتيقـه
قديم الجرح وأحزانـي وكلّـي=علاقه بيننـا صـارت وثيقـه
أجامل وابتسم واضحك وانا اللّي=عيوني في بحر دمعي غريقـه
أنا اللي لا ذكـرت ايـام خلّـي=تزيد بحالتـي همـم ٍ وضيقـه
تجيني صورته لاقمـت اصلّـي=وطيفـه مـا يفارقنـي دقيقـه
أشوف الناس كل ٍ لـه مسلّـي=وانا في غربتي روحي طليقـه
وش آخذ من بحر حزني واخلّي=وغير الآه مـا عنـدي رفيقـه
تناست في ظلال الغيـم ظلّـي=وظل الغيـم مايـروي لحيقـه
شحيـح الغيـم ماظنـه يهـلّ ِ=يبل لزاهـي الوجنـات ريقـه
وانا لا جيت ابنساهـا واعلّـي=جوابي جاوبـت ونّـه عميقـه
أقوم ان شفتها واقـف واهلّـي=تقل ماغيرهـا حولـي خليقـه
ألا يا ليت موتـي زايـر ٍ لّـي=قبل لا شوفها لغيـري عشيقـه [/poem]
[align=center]وسلامتكم[/align]
[align=center]هذا الصياح يختلف شكلاً ومضموناً عن صياح فنان العرب
في أغنية ( تعذبني ) الذي إلى هذه اللحظه لم أعرف من كتبه !!
(( أرفض المقارنه والتشبيه نهائياً لأنه صياح بصوت ولون
ودم ودمع فايز البذال ))
بالآخير ليس لنا إلا الصياح طالما الدنيا هي صياح x صياح
((وكل ٍ يصيح على ليلاه:icon_conf ))[/align]